ءوزىڭىزدى تەكسەرىپ كورىڭىز: كەدەيلەردە عانا بولاتىن 10 زات

 استانا. قازاقپارات - تىزىمنەن وزىڭىزدە بار زاتتى كورىپ قالساڭىز، الەۋمەتتىك- تۇرمىستىق جاعدايىڭىز تۋرالى ويلانعانىڭىز ءجون.

بالكىم قالتاڭىز قالىڭ بولسا دا، پسيحولوگياڭىزدى وزگەرتىپ ۇلگەرمەگەن شىعارسىز؟

بۇل تۋرالى gubdaily.ru باسىلىمى جازدى.

كونسەرۆىلەرگە ارنالعان اشقىش

جۋىردا بريتانيادا الەۋمەتتىك جەلىگە DonutCone ەسىمىمەن تىركەلگەن قىز بۇل زاتتىڭ تەك كەدەيلەردىڭ ۇيىندە بولاتىنىن ايتتى. سەبەبى، مۇنىڭ ورنىنا تەز اشىلاتىن كونسەرۆى ءتۇرىن الۋعا بولادى ەكەن. ولاردىڭ باعاسى ازداپ قىمبات ەكەنى دە راس. ال ارزانىن راسىمەن دە اشقىشتىڭ نەمەسە پىشاقتىڭ كومەگىمەن عانا اشا الامىز.

پاكەتتەردىڭ پاكەتى

باي ادام سۋپەرماركەتتە ازىق- تۇلىكتەردى بىرنەشە پاكەتكە قاباتتاپ سالمايدى. ال كەدەيلەر ونى قاباتتاپ سالعانىمەن قويماي، سول پاكەتتەردى ۇزاق مەرزىم بويى ساقتاپ جۇرەدى.

«جۇپسىز» شۇلىق

باي ادامدار ءبىر «جۇبى» جوعالعان شۇلىقتى بىردەن قوقىسقا لاقتىرادى. اقىلدىلارى ءدال سونداي شۇلىقتىڭ بىرەۋىن ساتىپ الادى. ال تۇرمىستىق جاعدايى ناشار ادامدار مۇنداي شۇلىقتاردى ءبىر- بىرىمەن ۇيلەسپەسە دە كيىپ جۇرە بەرەدى.

ارزان دارەتحانا قاعازى

ارزاندارىن بىرنەشە رەت قاباتتاماسقا امال جوق. ولاردىڭ جۇقا بولاتىنىن كوپشىلىك بىلەدى. وسىنىڭ سالدارىنان ولاردى ۇنەمدەۋ مۇمكىن ەمەس. ال كەيبىر قالىڭ ءارى ارزان تۇرلەرى جايسىزدىق سەزىمىن سىيلايدى. سەبەبى، ولار قاتتى قاعازدان جاسالادى.

سىزگە ساي كەلمەيتىن كيىم

تىم ارىقتاپ نەمەسە تولىسىپ كەتكەن بولساڭىز، كيىمدەرىڭىزدى بىرەۋگە بەرىڭىز. ولاردى قايتىپ كيۋگە بولاتىن ۋاقىتتى كۇتپەي- اق قويىڭىز. شاڭ- توزاڭ جينايتىن زاتتاردى ساقتاۋدىڭ نە قاجەتى بار؟

مەرزىمى ءوتىپ كەتكەن كوسمەتيكا

مەرزىمى ءوتىپ كەتسە دە، كوسمەتيكا قۇرتىلمايدى دەپ ويلايتىن شىعارسىز. ءبىراق، شىن مانىندە، ءسىز قاتتى قاتەلەسەسىز. ءوزىڭىزدى ءجيى ريەۆيزيا جاساپ تۇرۋعا داعدىلاندىرىڭىز. مەرزىمى وتكەن كوسمەتيكانى پايدالانۋ اشىپ كەتكەن مايونەزدى تۇتىنۋمەن بىردەي.

ارزان ازىق- تۇلىك

دۇرىس تاماقتانۋ ءتارتىبىن ساقتاۋ ءۇشىن كوپ اقشا جۇمساۋىڭىزعا تۋرا كەلەدى. ءبىراق، وسى دۇرىس تاماقتانۋدىڭ ارقاسىندا دەنساۋلىعىڭىز مىقتى بولىپ، باقىتقا كەنەلەتىڭىزدى ۇمىتپاڭىز. جوق دەگەندە ايىنا بىرنەشە رەت قىزىل بالىق پەن اۆوكادو ساتىپ الىپ جەۋگە بولاتىن سياقتى.

ارزان دەكور

بۇل تالعامىڭىزدىڭ جوقتىعىن نەمەسە اقشاڭىزدىڭ ازدىعىن بىلدىرەدى. قىتايدا جاسالعان زاتتاردى ارى- بەرى تاسىعانشا، اقشا جيناپ، قىمباتتىراق زاتتار ساتىپ العان دۇرىس.

 تاماققا ارنالعان پلاستيك كونتەينەرلەر

سىرتىندا «7» ، «PC» ، «پك» ، A (BPA) ، S (BPS) دەگەن جازۋى بار پلاستيك ىدىستاردى ويلانباستان قوقىسقا تاستاي بەرۋىڭىزگە بولادى. مۇنداي جازۋى بار ىدىستار ادامنىڭ دەنساۋلىعىنا كەرى اسەرىن تيگىزەدى.