الامان بايگەنىڭ باس جۇلدەسىنە 10 ميلليون تەڭگە تىگىلدى
3- قىركۇيەك كۇنى استانا اكىمدىگى مەن ۇلتتىق سپورت تۇرلەرى بويىنشا رەسپۋبليكالىق فەدەراتسيا ۇلتتىق ءال-اۋقات قورىنىڭ، ق ر مادەنيەت جانە سپورت مينيسترلىگىنىڭ، «نۇر وتان» پارتياسىنىڭ، سونىمەن قاتار «ەكسپو-2017» ۇ ك قولداۋىمەن ەلوردادا «التىن تۇلپار» الامان بايگەسىن وتكىزەدى.
جارىس وسىمەن ءتورتىنشى رەت ۇيىمداستىرىلىپ وتىر. بيىل الامان-بايگە فورماتى ءبىرقاتار وزگەرگەن بولاتىن.
ەگەر بۇعان دەيىن جۇگىرىپ ءوتۋ شەڭبەرى 12,5 شاقىرىمدى قۇراسا، ەندى 7 شاقىرىم. قاشىقتىق - 51 شاقىرىم قاشىقتىقتا ءار 2 شاقىرىم سايىن باقىلاۋ پۋنكتتەرى ورنالاسادى، وندا تورەشىلەر، ۆەتەرينارلار، قۇقىق قورعاۋ ورگاندارىنىڭ وكىلدەرى بولادى. بايگەنىڭ ءوتۋ بارىسى بەينەباقىلاۋ كامەرالارىنا تۇسىرىلەدى.
ات جارىس تىكەلەي ەفيردە جانە لەد-ەكراندا كورسەتىلەدى. بايگەگە قازاقستاننىڭ بارلىق وبلىستارىنان جانە الماتى مەن استانا قالالارىنىڭ كوماندالارى قاتىسادى. باس جۇلدەگە 10 ميلليون تەڭگە تىگىلگەن. سونداي-اق جۇلدەلەردى ءبىرىنشى كەلگەن 9 شاباندوز يەلەنەدى.
بايگە اقمولا وبلىسى، تسەلينوگراد اۋدانى، «قابانباي باتىر» اۋىلىندا وتەدى (استانادان 35 شاقىرىم جەردە). الامان بايگە 3-قىركۇيەك كۇنى 11:00-دە باستالادى.