09:09, 21 - تامىز 2017 | GMT +6
تۇركيادا قۇربان ايت مەرەكەسىنە وراي 10 كۇن دەمالىس بەرىلەدى
استانا. قازاقپارات - بيىل قۇربان ايت مەرەكەسىنىڭ قۇرمەتىنە وراي تۇركيالىقتارعا 10 كۇن دەمالىس بەرىلەدى.
بۇل تۋرالى حابار24.kz حابارلادى.
بۇل شەشىم ۇكىمەتتىڭ كەڭەيتىلگەن وتىرىسىندا قابىلدانعان. وسىعان سايكەس مەرەكە كۇندەرى قالاارالىق باعىتتار بويىنشا اۆتوجولدار مەن كوپىرلەردە كولىك قاتىناسىنا اقى الىنبايدى. 10 كۇندىك دەمالىس اسىرەسە تۋريزم سالاسىنداعى كاسىپكەرلەردى ەرەكشە قۋانتتى.
ەگەي تۋريستىك قاۋىمداستىعىنىڭ ءتوراعاسى مەحمەت يشلەردىڭ ايتۋىنشا، قۇربان ايتتا 1 ميلليونعا جۋىق ساياحاتشى كەلەدى.
«30 -تامىز جەڭىس مەيرامى بيىل قۇربان ايتقا ۇلاسادى. وسىعان بايلانىستى وتانداستارىمىز تۋعان- تۋىستارىن ارالاۋىنا زور مۇمكىندىك تۋىپ وتىر. سونداي- اق مەرەكەلىك دەمالىس وتاندىق تۋريزم سالاسىنا جانە ساۋدا اينالىمىنا دا وڭ ىقپالىن تيگىزەدى دەپ ەسەپتەيمىز»، - دەيدى ت ر پرەمەر-ءمينيسترىنىڭ ورىنباسارى بەكير بوزداق.