19:55, 18 - تامىز 2017 | GMT +6
اعاسى زورلاعان 10 جاسار قىز انا اتاندى
استانا. قازاقپارات - ءۇندىستاندا 10 جاستاعى زورلىقتىڭ قۇربانى بولعان قىز 17- تامىز كۇنى قىز بالانى دۇنيەگە اكەلدى، دەپ جازادى BBC.
بۇعان دەيىن ءۇندىستان جوعارعى سوتى قارشاداي قىزدىڭ تۇسىك جاساتۋىنا رۇقسات بەرمەگەن بولاتىن.
ىشتەن جارىپ الۋ ارقىلى جاڭا تۋعان نارەستەنىڭ سالماعى ەكى جارىم كيلوگرام. مۇنداي سيرەك كەزدەسەتىن جاعداي ءۇندىستاننىڭ سولتۇستىگىندەگى چانديگارح قالاسىندا تىركەلدى.
رەسمي دەرەككوزدەرگە سۇيەنسەك، جاس انا مەن ونىڭ 35 اپتاسىندا دۇنيەگە كەلگەن نارەستەسىنىڭ قازىرگى جاعدايى قاناعاتتاندىرارلىق.
ون جاسار قىز ءوزىنىڭ انا بولعاندىعىن تۇسىنبەگەن دە. اۋرۋحانادا وعان ءىشى اۋىراتىندىعىنا بايلانىستى وتا جاسالادى دەپ تۇسىندىرگەن.
ونىڭ جۇكتىلىگى ءبىر اي بۇرىن عانا بەلگىلى بولعان. ءۇندىستان ب ا ق- نىڭ حابارلاۋىنشا، 10 جاسار قىزدى ونىڭ اعاسى زورلاعان. ول قاماۋعا الىندى.