الاكولدەگى فەستيۆالدى 10 مىڭنان اسا دەمالۋشى تاماشالادى - فوتو
ءوڭىردىڭ تۋريستىك اقپارات ورتالىعىنىڭ ديرەكتورى سىمبات رامازانوۆتىڭ ايتۋىنشا، بيىل الاكول قوناقتاردى جاڭا جاعالاۋى، جەرگىلىكتى ارباتى مەن يگىلەندىرىلگەن جاعاجايىمەن عانا ەمەس، مادەني- كوپشىلىك باعدارلامالارىمەن دە تاڭقالدىردى.
العاش رەت وتكىزىلگەن «الاكول الاۋلارى» جازعى فەستيۆالى قوناقتاردى ەكى كۇن بويى قۋانىشقا بولەدى.
«فەستيۆالگە ەۋروپا مەن ورتالىق ازيا، قىتاي، رەسەي ەلدەرىنەن كەلگەن تۋريستەر قاتىستى. ادامدار العان اسەرلەرى مەن جاقسى پىكىرلەرىمەن الەۋمەتتىك جەلىلەردە ءبولىسىپ، سۋرەتتەر جۇكتەدى. فەستيۆالگە وسكەمەن اسپاپتىق توبى قاتىستى، فايەر-شوۋ، وتشاشۋ، ءتۇرلى سپورتتىق- ويىن- ساۋىق كونكۋرستارى ۇيىمداستىرىلدى، فوتوايماقتار جۇمىس ىستەدى جانە وسى ەكى كۇن بويى كوپتەگەن قىزىقتى باعدارلامالار بولدى، - دەدى س. رامازانوۆ.
شىعىس قازاقستانداعى الاكول جاعالاۋى تۋريزمدى دامىتۋ ءۇشىن نەگىزگى نىسانداردىڭ ءبىرى بولىپ تابىلادى. بيىل العاش رەت وبلىستىق بيۋدجەتتەن جاعالاۋدى اباتتاندىرۋ ءۇشىن 500 ميلليون 580 مىڭ تەڭگە ءبولىندى. قازان ايىنىڭ سوڭىندا 1 ميلليارد 305 ميلليون تەڭگە سوماسىنا ەسەپتەلگەن ماقانشى- جالاڭاشكول باعىتىنداعى جولدى جوندەۋ جۇمىستارنى اياقتالادى.
