نۇرسۇلتان نازاربايەۆ: ا ە ف 10 جىلدا اشىق پىكىرتالاستىڭ ماڭىزدى حالىقارالىق الاڭىنا اينالدى
بۇل تۋرالى بۇگىن X استانا ەكونوميكالىق فورۋمىنىڭ جالپى وتىرىسىندا ءسوز سويلەگەن ق ر پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات. «استانا ەكونوميكالىق فورۋمىنىڭ ونىنشى مەرەيتويلىق جيىنىنا بارشاڭىز قوش كەلدىڭىزدەر! فورۋمنىڭ تاقىرىبى - «جاڭا ەنەرگيا، جاڭا ەكونوميكا» . ول ەكسپو-2017 حالىقارالىق مامانداندىرىلعان كورمەسىنىڭ اشىلۋىمەن ۇندەس بولىپ وتىر. ەكسپو-2017 كورمەسىندە بولاشاق ەنەرگياسىنا ارنالعان «الەمنىڭ ۇزدىك عىلىمي ينجەنەرلىك جەتىستىكتەرىن كورۋگە بولادى. جۇزدەن استام ەل مەن حالىقارالىق ۇيىمدار، سونىمەن قاتار ءىرى كورپوراتسيالار وزدەرىنىڭ ەنەرگەتيكا سالاسىنداعى ەڭ وزىق تاجىريبەلەرى مەن بىلىمدەرىن الىپ كەلەتىن بولادى. استانا ەكونوميكالىق فورۋمى ون جىلدا اشىق پىكىرتالاسقا ارنالعان ماڭىزدى حالىقارالىق الاڭ رەتىندە تانىلدى» ، - دەدى نۇرسۇلتان نازاربايەۆ.
مەملەكەت باسشىسى بيىلعى فورۋمعا نوبەل سىيلىعىنىڭ لاۋرەاتتارى، حالىقارالىق ۇيىمدار مەن بانكتەردىڭ باسشىلارى، ساياسي قايراتكەرلەر، ءىرى بيزنەس وكىلدەرى، بەلگىلى عالىمدار مەن ساراپشىلار قاتىسىپ وتىرعاندىعىن اتاپ ءوتتى. ءبىز استانا ەكونوميكالىق فورۋمىنىڭ مەرەيتويلىق وتىرىسىن ايرىقشا تاريحي كەزەڭدە وتكىزىپ وتىرمىز. ءبىر اپتا بۇرىن استانا قالاسىندا ش ى ۇ ءسامميتى ءوتتى. ش ى ۇ- عا ءۇندىستان مەن پاكىستاننىڭ قوسىلۋى ناتيجەسىندە وزىندىك نارىعى ءۇش ميلليارد ادامدى قۇرايتىن جاھاندىق ويىنشى قۇرىلدى. بۇعان قوسا، قازىرگى ۋاقىتتا جىبەك جولى باعدارلاماسىنىڭ جاندانۋى جاڭا ەكونوميكالىق ءسۋبوڭىردى قالىپتاستىرۋدا. ب ۇ ۇ باس حاتشىسى «ش ى ۇ بۇگىنگى الەمدىك ءتارتىپتىڭ باستى وزەگى بولىپ سانالادى» دەپ اتاپ وتكەن بولاتىن» ، - دەدى ق ر پرەزيدەنتى.
اۆتور: مارلان جيەمباي
