قاراعاندىدا 10 جىل بۇرىن ەلباسى سىيعا تارتقان توموگراف قايتا جوندەلىپ، ىسكە قوسىلدى
ول كەزدە بۇل يامرت اپپاراتى قازاقستانداعى العاشقىلاردىڭ ءبىرى بولعان ەدى. توموگرافتى مەملەكەتتىك-جەكەشەلىك باعدارلاماسى بويىنشا جوندەۋ مۇمكىن بولدى. وعان «شيپاگەر» ج و قىزمەتكەرلەرى اتسالىستى، دەپ حابارلايدى karaganda-region.gov.kz.
- وتكەن جىلى توموگراف ىستەن شىققان بولاتىن، - دەدى كومپانيا ديرەكتورى دەنيس پودگاينوۆ.
- بۇل «iemensS» فيرماسىنىڭ اپپاراتى. بۇگىنگى تاڭدا نارىقتا وسى سەكىلدى قۇرىلعىلاردى جوندەۋ وتە قىمبات. بىزدە وسى سەكىلدى جابدىقتى جوندەۋ جانە جەتكىزۋ تاجىريبەسى، ءوزىمىزدىڭ قىزمەت ورتالىعىمىز بولعاندىقتان بۇل جوندەۋ جۇمىستارى ءبىز ءۇشىن ارزانعا ءتۇستى.
توموگراف ەكى اپتا بۇرىن قايتا ىسكە قوسىلدى. سول ۋاقىت ارالىعىندا ول ارقىلى 300 گە جۋىق ادام زەرتتەۋدەن ءوتىپ ۇلگەرگەن. اتالمىش اپپاراتتىڭ 10 جىلدىق قىزمەتى بارىسىندا دارىگەرلەر قاراعاندى وبلىسىنىڭ 30 مىڭنان استام تۇرعىندارىنا دياگنوز قويىپ ۇلگەرگەن.
- توموگرافتىڭ شىققان مەرزىمى، ونىڭ جۇمىس ساپاسىنا اسەر ەتپەيدى، - دەپ ءتۇسىندىردى دەنيس پودگاينوۆ.
- وندا تۇراقتى ماگنيت ورناتىلعان. ول 30 جىل ارالىعىندا ماگنيت ءورىسىن ساقتاپ تۇرادى. سوندىقتان كەسكىندە ەشقانداي اقاۋ بولمايدى. قازىر قايتا قالپىنا كەلتىرىلگەن مرت اپپاراتى وڭتۇستىك-شىعىس شاعىن اۋدانىنداعى 5№ ەمحانادا ناۋقاستاردى زەرتتەۋ ءۇشىن قولدانىسقا بەرىلگەن.
