سۋرەتتە سۇلۋ كورىنۋدىڭ 10 ءتاسىلى
كەيدە ويلايسىڭ، سۋرەتكە دۇرىس تۇسە المايتىن ءوزىمىز كىنالىمىز بە الدە فوتوگرافتان كەتكەن كىنارات پە ەكەن؟ ەشقانداي قاتەلىكتەرگە قاراماستان تومەندەگى 10 ءتاسىل سۋرەتتە جاقسى شىعۋىڭىزعا كومەكتەسەدى.
1. قالىپقا (پوزاعا) تۇرىڭىز!
كامەرا سىزگە ارتىق سالماق قوسادى دەپ ويلايسىز با؟ گولليۆۋد جۇلدىزدارىنىڭ كەز- كەلگەن قيمىلىن قايتالاڭىز! ءبىر يىعىڭىزدى العا شىعارىپ، قولىڭىزدى بەلىڭىزگە تايانىڭىز، بۇل ءادىس ءسىزدى سىمباتتى كورسەتەدى. ءىشىڭىزدى تارتىپ، ارقانى ءتۇزۋ، يىعىڭىزدى تىك ۇستاۋ جايلى ۇمىتپاعايسىز!
2. ەرىنگە دالاپتى دۇرىس تاڭداڭىز.
ايقىن قىزعىلت دالاپتار مەن جىلتىر بوياۋلار سۋرەتتە كەرەمەت كورىنۋىڭىزگە مۇمكىندىك بەرەدى. ال بەيتاراپ تۇستەگى دالاپپەن سۋرەتتە بوزارعان بولىپ قالاسىز، قاتتى قىزعىلت تۇستەگى دالاپ تىم ەرسى كورىنەدى.
3. كەشتى سۋرەتپەن باستاڭىز.
كەش باستالماس بۇرىن سۋرەتكە ءتۇسىپ الۋعا تىرىسىڭىز. وتىرىس بارىسىندا كوڭىلدى بي كەشتەرى بولىپ ، ۋ- شۋ، شاراپقا ۇلاسىپ كەتەدى. سوندىقتان، ءسانىڭىزدى ساقتاپ ەرتەرەك قامدانىڭىز.
4. لاك سەبەردە اباي بولىڭىز.
شاشتىڭ ءوزى سۋرەتتە ۇلكەن رولگە يە. ال ونى لاكپەن قاتىرىپ تاستاعاننان گورى قوزعالىستا ادەمى كورىنەدى.
5. بەتىڭىزدەگى بوياۋ جارقىراپ تۇرعانى جاقسى.
ول ءسىزدىڭ تابيعيلىعىڭىزدى ايقىندايدى، ال بەتىڭىزدىڭ مايلانىپ كەتۋى سۋرەتتە ناشار كورىنەتىندىكتەن وزىڭىزبەن بىرگە وپا، كوررەكتور، قاعاز مايلىق بولعانى ءجون.
6. كامەراعا سەنىڭىز!
سۋرەتكە ىڭعايلى، ەش قيىندىق تۋدىرمايتىن كامەراعا ءتۇسىڭىز! جانە ءوزىڭىزدى ەركىن ۇستاعانىڭىز دۇرىس.
7. باسىڭىزدى جوعارى ۇستاپ، ەڭسەڭىزدى كوتەرىڭىز.
سوندا ەكىنشى يەگىڭىز مۇلدەم بايقالمايدى، باستىسى، وزىڭىزگە دەگەن سەنىمىڭىز ارتادى.
8. كۇن باتقان كەز.
كۇننىڭ باتقان كەزى سۋرەتكە تۋسۋگە ەڭ ءتيىمدى سانالادى. فوتوگرافتاردىڭ ايتۋىنشا، جارىق كولەڭكە تۇسىرمەي، كوزقاراسىڭىزدى نۇرلى قىلادى.
9. جارقىلداعىشقا قاراڭىز!
سۋرەتكە تۇسكەندە وبەكتيۆكە ەمەس، ودان جوعارىراق ورنالاسقان جارقىلداعىشقا قاراساڭىز، ول كوزدىڭ «قىزىل» بولۋىنان ساقتايدى. سۋرەتتە جاقسى كورىنۋدىڭ تاعى ءبىر ءادىسى- قاتتى اشىلعان كوزدەر. وسى تۇرعىدا مودەلدەردىڭ نەگىزگى ەرەجەسىن ەسىڭىزدە ساقتاڭىز: فوتواپپاراتتىڭ جارقىلداعىنا قاراپ تۇرىڭىز دا كوزىڭىزدى جۇمىڭىز، فوتوگراف ۇشكە دەيىن ساناپ بەلگى بەرگەنىندە، بارىنشا كوزىڭىزدى قاتتى اشا ءتۇسىڭىز.
10. راكۋرس.
قالاي قاراساڭىز سۇلۋ كورىنەسىز، قالاي كۇلسەڭىز جاراسادى؟ باسىڭىز ۇلكەن بە، بويىڭىز كىشكەنتاي ما؟ ءوزىڭىزدىڭ قاي جاعىنان ادەمى كورىنەتىنىڭزدى زەرتتەپ الىپ بارىپ سۋرەتكە ءتۇسىڭىز! باستىسى، راكۋرس دۇرىس بولسىن!