قارا نۇكتەدەن قۇتىلۋدىڭ 10 ءادىسى

ارينە، بەتتەگى قارا نۇكتەلەردى كەتىرۋدىڭ بىرنەشە جولدارى بار، اسىرەسە، وعان ارنالعان ءتۇرلى كوسمەتيكالىق قۇرالدار دا از ەمەس.
ماي جەتىسپەيدى!
ديەتولوگ مامانداردىڭ ايتۋىنشا، قازىرگى ادامدارعا ماي قىشقىلدارى جەتىسپەيدى. وسىنىڭ ءوزى ماي بەزدەرىنىڭ دۇرىس قىزمەت اتقارماۋىنىڭ نەگىزگى سەبەبى جانە سونىڭ سالدارىنان بەزەۋلەر پايدا بولادى. بۇل ماسەلەنىڭ شەشىمى وڭاي، كۇندە تاڭەرتەڭ اشقارىنعا ءزايتۇن مايىنان ءبىر قاسىق ءىشىپ وتىرىڭىز. تەرىنىڭ تازالىعى ءۇشىن ونىڭ ماڭىزى زور، سونىمەن قاتار ماي قىشقىلدارى جاقسارىپ، بەزەۋ ءسىزدى مازالامايتىن بولادى.
ۆ ۆيتامينى جەتىسپەيدى
ۆ ۆيتامينىڭ جەتىسپەۋىنەن ماي بەزدەرى تىم بەلسەندى جۇمىس ىستەپ، تەرىدەگى ۇساق تەسىكتەر بىتەلىپ قالادى. ءدارىحانادا ساتىلاتىن ۆ ۆيتامينىنە باي سىرا اشىتقىسى قارا نۇكتەلەرلەن قۇتىلۋعا پايداسى زور. ءبىر كۋرسىن ۇزبەي ىشسەڭىز، ناتيجەسىن بەرەرى انىق.
ءجيى جۋىنۋ سالدارىنان
بەتتىڭ جۇمساق بولۋى ءۇشىن ونى تازالاپ تۇرۋ قاجەت ەكەنى راس. ءبىراق، كەيدە سول تازالاۋدىڭ وزىنەن زارداپ شەگىپ جاتاتىندار بار. كوپىرشىكتەر مەن گەلدەردى ءجيى پايدالانۋ بەت تەرىسىنىڭ تەز قۇرتىلۋىنا الىپ كەلەدى. ناتيجەسىندە، تەرىگدەگى ۇساق تەسىكتەر ودان سايىن بىتەلەدى. سوندىقتان، كۇنىنە ەكى رەتتەن كوپ جۋىنباي، بەتىڭىزگە ارنالعان ءتۇرلى قۇرالداردى ءجيى پايدالانىپ تەرىڭىزدى قۇرتىپ الماڭىز!
مايلى تاعامداردى كوپ جەيسىز!
قۋىرىلعان كارتوپ سىندى مايلى تاعامدار بەزەۋدىڭ كوبەيۋىنە الىپ كەلەدى. حولەستەرينى كوپ مايلى تاعامداردى جەسەڭىز، بەتىڭىزگە بىردەن اسەر ەتەدى.
جاسۇنىق جەتىسپەيدى (كلەتچاتكا)
جاسۇنىققا باي تاعامدار تەرىنىڭ جۇمساق ءارى ادەمى بولۋىنا كومەكتەسەدى. جەمىس- جيدەكتەر مەن كوكونىستەر اعزانىڭ تازارۋىنا پايدالى. ال ىشەك جولدارىنىڭ دۇرىس جۇمىس ىستەمەۋىنەن داقتار، بەزەۋلەر پايدا بولادى. سوندىقتان، كوكونىس پەن جەمىس- جيدەك راتسيونىڭىزدا بولسىن!
قىشقىل ءسۇت وىنمدەرىن ۇناتپايسىز
ايران، قاتىق سىندى قىشقىل ءسۇت ونىمدەرىن سوڭعى رەت قاشان ىشكەنىڭىز ەسىڭىزدە مە؟ ءدال سولار ىشەك جولى جۇمىسىن جاقسارتىپ، دەنىڭىزدىڭ ساۋلىعىن قامتاماسىز ەتەدى. ال ناتيجەسى بەت تەرىڭىزدەن دە بىردەن بايقالادى.
وپا پايدالاناسىز!
ۇگىلگىش وپا تەرىدەگى ۇساق تەسىكتەردى بىتەمەيدى دەسەدى. بىتەمەۋى ءتيىس. ءبىراق، كۇننىڭ ىستىعىندا نەمەسە كۇندىز ءجۇرىپ مايلانعان تەرىڭىزگە وپا جاقساڭىز بىتەلۋى دە مۇمكىن.
سپورتپەن اينالىسۋ
سپورتتىڭ پايداسى بولماسا، زيانى جوق، ارينە. دەسە دە، جۇگىرىپ نەمەسە باسقا جاتتىعۋلار جاساپ تەرلەگەنىڭىزدە قاعاز مايلىقپەن بەت تەرىسىن ءسۇرتىپ وتىرعانىڭىز ءجون. شاشقا ارنالعان بايلاۋىشتى دا پايدالانىڭىز.
بەتىڭىزدى ىلعي ۇستاي بەرەسىز بە؟
بىرەۋمەن اڭگىمەلەسىپ وتىرىپ، اۆتوبۋس كۇتكەندە، ۇزاق ويلانعاندا بەتىڭىزدى ۇستاپ تيسە بەرمەڭىز. سەبەبى، ءسىزدىڭ قولىڭىزدا قانشاما ميكروب پەن باكتەريا بار ەكەنىن بىلەسىز بە؟ بەتىڭىزدى تازا جۋىلعان قولىڭىزبەن ۇستاعانىڭىز دۇرىس.
Baq.kz