01:22, 15 - مامىر 2017 | GMT +5
اقتوبەدە پوليتسەيدى كولىگىمەن 10 مەترگە سۇيرەپ كەتكەن شەندى قاماۋعا الىندى
استانا. قازاقپارات - اقتوبەدە پوليتسيا قىزمەتكەرىن كولىگىمەن 10 مەترگە سۇيرەپ كەتكەن كومپانيا ديرەكتورى قاماۋعا الىندى دەپ حابارلايدى وڭىردەگى NUR. KZ ءتىلشىسى.
وقيعا تۇندە بولدى. اقتوبەدەگى احتانوۆ پەن ۋاليحانوۆ كوشەسىنىڭ قيىلىسىندا جول ەرەجەسىن بۇزعان كولىكتى توقتاتپاق بولعان ءتارتىپ ساقشىسىنىڭ ءوزى زارداپ شەكتى.
Land Cruiser Prado پوليتسيا قىزمەتكەرىن 10 مەترگە سۇيرەپ كەتكەننەن كەيىن عانا توقتاعان.
كولىكتىڭ كاپوتىنا قۇلاعان پوليتسيا قىزمەتكەرىنىڭ جاعدايى جاقسى.
ال پوليتسەيدى سۇيرەگەن جۇرگىزۋشى وقيعا ورنىندا ۇستالعان.
سەنىمدى دەرەككوزى جول ەرەجەسىن بۇزعان جۇرگىزۋشىنىڭ جاڭاجولدا جەكە كومپانيانىڭ ديرەكتورى بولعانىن ايتادى.
قازىرگى ۋاقىتتا ول تەرگەۋ يزولياتورىندا قاماۋدا وتىر.
