قازاقستاننىڭ اتىن الەمگە ايگىلى ەتكەن 10 ادام كىم - فوتو
بۇگىن NUR. KZ پورتالى وقىرمان نازارىنا قازاقستاندى الەمگە تانىتقان ون جۇلدىزدى ۇسىنادى.
ەلىمىزدى الەمگە تانىتقان جاندار ءتىزىمى بۇل وندىقپەن اياقتالمايدى. ءبىز بۇگىن سولاردىڭ ىشىنەن ۇزدىك دەگەندەرىن ىرىكتەپ الدىق.
مارات جىلانبايەۆ
مارات جىلانبايەۆ 1963-جىلى، تامىزدىڭ 19- كۇنى ەكىباستۇزدا دۇنيەگە كەلگەن. ول - ادامزات تاريحىندا العاش رەت ساحارانى جاياۋ، جالعىز ءوزى باعىندىرعان ادام. مارات گيننەستىڭ رەكوردتار كىتابىنا جەتى رەت ەندى.
مارافونشى ءومىرىن وتباسىنا ارناعان. بۇگىندە ءۇش قىز، ءبىر ۇلدىڭ اكەسى.
گەننادي گولوۆكين
گەننادي گولوۆكين 1982-جىلى ءساۋىردىڭ سەگىزى كۇنى قاراعاندى قالاسى، مايقۇدىق اۋدانىندا تۋىلعان. كاسىپقوي بوكسشى، ورتا سالماقتا ونەر كورسەتەدى. The Ring جۋرنالىنا سايكەس P4P سالماق دارەجەسىنە قاراماستان ۇزدىك بوكسشىلاردىڭ وندىعىنا كىرەدى.
گەننادي - قازاقستاندى بوكس الەمىندە بارشا جەر جۇزىنە تانىتقان سپورتشى. بۇگىندە ول ا ق ش ەلىندە تۇرادى. گەنانىڭ كۇلىپ تۇرعان سۋرەتتەرىنە قاراپ، شەت ەلدىك ب ا ق «ءبىر كەزدەرى سىزدەر كورگەن ەڭ باقىتتى قانىىشەر» دەپ جازعان.
ءسابينا التىنبەكوۆا
ءسابينا اقتوبەدە 1996-جىلدىڭ 5- قاراشاسىندا دۇنيەگە كەلگەن. تايبەيدە وتكەن قىزدار اراسىندا ۆولەيبولدان 17- ازيا چەمپيوناتىندا ەڭ سۇلۋ ۆولەيبولشى اتاندى.
تايۆان، جاپونيا جانە باسقا دا كوپتەگەن ازيالىق تەلەارنالار ءسابينا تۋرالى رەپورتاجدار ءتۇسىردى، ال ينتەرنەتتە كوپتەگەن روليكتەر پايدا بولدى.
ديماش قۇدايبەرگەن
قۇدايبەرگەن دىنمۇحاممەد 1994-جىلى 24- مامىردا اقتوبە قالاسىندا دۇنيەگە كەلگەن. ديماش 2010-جىلدان باستاپ حالىقارالىق جارىستارعا قاتىسا باستاعان. ول، سونىمەن قاتار، «شىعىس بازارى» جانە «مەيكين ازيا» بايقاۋلارىنىڭ گران-پري يەگەرى.
ديماش ەلىمىزدى قىتايلىق (مەن ءانشىمىن) تەلەبايقاۋىنا قاتىسۋ ارقىلى الەم الدىندا كەڭىنەن تانىتتى.
ديماش ارقىلى ميللياردتاعان حالىق قازاق ءانىن تىڭداپ، كەيبىر قىتايلىقتار قازاق ءتىلىن ۇيرەنە باستاعان.
دەنيس تەن
دەنيس تەن 1993-جىلى، 13- ماۋسىم كۇنى الماتىدا دۇنيەگە كەلگەن. قازاقستاندىق مانەرلەپ سىرعاناۋشى. 2014-جىلى مانەرلەپ سىرعاناۋدان سوچي وليمپياداسىنىڭ قولا جۇلدەگەرى، 255,10 ۇپايمەن قولا مەدالعا يە بولدى.
ول - مانەرلەپ سىرعاناۋدان 2013-جىلعى الەم چەمپيوناتىنىڭ كۇمىس مەدال جۇلدەگەرى. Ⅶ قىسقى ازيا ويىندارىندا مانەرلەپ سىرعاناۋدان چەمپيون، قازاقستاننىڭ ءۇش دۇركىن چەمپيونى.
قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى . الەمدىك رەيتينگتە 18-ورىندا تۇر.
گوگو اشكەنازي
جامبىل قالاسىندا 1980-جىلى، اقپاننىڭ ءبىرى كۇنى دۇنيەگە كەلگەن. الەمنىڭ ەڭ باي ايەلدەرىنىڭ ءبىرى، Vionnet/Paris ءسان ءۇيىنىڭ يەسى. بالا كەزىندە اناسىمەن ماسكەۋگە كوشىپ كەتكەن.
13 جاسىندا گاۋھاردى اعىلشىندىق جابىق مەكتەپكە بەرگەن، كەيىننەن ول وكسفوردتىڭ ەكونوميكا-تاريح فاكۋلتەتىنە تۇسكەن.
قازىر ول قازاقستاندىق جەكە «مۇناي گاز ينجينيرينگ گرۋپپ» كومپانياسىنىڭ يەسى. ول الەمدەگى ەڭ مىقتى اكتەرلەر، انشىلەر جانە كورولدىك وتباسىلارمەن جاقسى ارالاسادى.
مارات بيسەنعاليەۆ
مارات سامەت ۇلى بيسەنعاليەۆ - سكريپكاشى. 1962-جىلى الماتى قالاسىندا تۋعان.
1996-جىلى نيۋ-يوركتىڭ باربيكان حولىندا انگليانىڭ كامەرالىق وركەسترىمەن بەرگەن كونسەرتى ونىڭ حالىقارالىق سكريپكا جۇلدىزى رەتىندە قالىپتاسۋىنا زور ىقپال ەتكەن.
قازىرگى كەزدە مارات بيسەنعاليەۆتى الەمنىڭ تانىمال سىنشىلارى مويىنداپ وتىر. ونى «قازاقستاننىڭ بەيبىتشىلىك ەلشىسى» دەپ اتايدى.
قانات يسلام
قانات يسلام ۇلى 1984-جىلى 13- قىركۇيەكتە قىتايدىڭ شىنجاڭ ولكەسىندە دۇنيەگە كەلگەن. قازاق كاسىپقوي بوكسشىسى، WBA FedeCaribe تۇجىرىمىنىڭ چەمپيونى.
ورتاشا جەڭىل سالماق بويىنشا كاريب ايماعىنىڭ ۇزدىگى، قىتايدىڭ 10 دۇركىن چەمپيونى.
قانات يسلام بۇگىندە «قازاق» دەگەن لاقاپ اتىمەن قازاقستاننىڭ اتىن تانىتىپ جۇرگەن سۇيىكتى ۇلدارىنىڭ ءبىرى.
الان بورىبايەۆ
الان بورىبايەۆ - ايگىلى ديريجەر. قازاقستاننىڭ ەڭبەك سىڭىرگەن ونەر قايراتكەرى، كوپتەگەن ەۋروپالىق كونكۋرستاردىڭ جەڭىمپازى. 1979-جىلى الماتى قالاسىندا تۋعان.
2003-2007-جىلدارى استانا مەملەكەتتىك فيلارمونياسى سيمفونيالىق وركەسترىنىڭ باس دەريجەرى، سونىمەن قاتار 2004-2007-جىلدارى ماينينگەننىڭ باس مۋزىكا ديرەكتورى.
2007-جىلدان باستاپ نورچەپينگ سيمفونيالىق وركەسترىن، 2007-جىلدان نيدەرلاندتىق برابانت وركەسترىن، ال 2009-جىلدان باستاپ يرلانديانىڭ ۇلتتىق سيمفونيالىق وركەسترىن باسقارادى. بۇگىندە الەمدىك ونەر سىنشىلارىن مويىنداتقان ۇزدىك ديريجەرلاردىڭ ءبىرى.
ماريا مۋدرياك
ءبىزدىڭ وندىقتى قازاقستاندىق وپەرا ديۆاسى ماريا مۋدرياك اياقتايدى. ول پاۆلودار قالاسىندا 1994-جىلى 6- ءساۋىر كۇنى دۇنيەگە كەلگەن.
ماريانىڭ داۋىسى الەمنىڭ ەڭ ۇزدىك 10 سوپرانوسى قاتارىنا كىرگەن.
العاشقى «ماشەنكا» البومى مۋدرياكتى الەم جۇرتشىلىعى الدىندا كەڭىنەن تانىتتى. ول 10 جاسىندا ەلىمىزدەن كوشىپ كەتكەنىمەن، ءالى كۇنگە دەيىن ازاماتتىعىن وزگەرتپەگەن.
