برازيليالىق ازياتقا ۇقساۋ ءۇشىن 10 رەت وتا جاساتقان - فوتو

استانا. قازاقپارات - پلاستيكالىق وتا جاساتۋعا ايەل ادامدار بەيىم كەلەدى. دەسە دە، سىرت كەلبەتىن وزگەرتۋگە قۇمار جىگىتتەر دە بار.

مىسالى، برازيليالىق ازامات ازياتقا ۇقساۋ ءۇشىن وزىنە 10 رەت وتا جاساتقان ەكەن.

 بۇل تۋرالى bigpicture.ru باسىلىمى حابارلايدى.

سوڭعى جىلدارى وڭتۇستىك كورەيا تەلەحيكايالارى مەن پوپ مۋزىكاسى شەتەلدە دە تانىلا باستادى. جاستىق شاقپەن ادامدار ءتۇرلى ارەكەتكە بارىپ جاتادى. ارتىنشا بۇل ولقىلىقتارىن تۇزەتەدى. الايدا 22 جاستاعى سان- پاۋلو تۇرعىنىنىڭ ارتقا شەگىنەر مۇمكىندىگى جوق.

 

ول ۇلتىن وزگەرتۋگە باعىتتالعان وتاعا بىرنەشە مىڭ دوللار تولەگەن ەكەن. وسى كۇنگە دەيىن بەت- ءپىشىنىن، مۇرنىن، كوزىن وزگەرتكەن.

 

ول ءوزىن Xiahn دەپ اتايدى. بۇل كارىس پوپ مۋزىكاسى جۇلدىزىنىڭ پسيەۆدونيمى. ول بۇل باعىتقا پۋساندا ءبىلىم الىپ ءجۇرىپ قىزىققان.

 

بۇگىندە ول جۋرنالداردىڭ مۇقاباسىنا ارنالعان سۋرەتتەرگە ءتۇسىپ ءجۇر. ءوزىنىڭ شەشىمى ءۇشىن ەشقاشان وكىنبەگەنىن ايتىپ جاتىر.