قازاقتىڭ 10 جاستاعى قىزى حالىقارالىق «جاڭا تولقىن» بايقاۋىنا جولداما ۇتىپ الدى - فوتو

استانا. قازاقپارات - «بالالار جاڭا تولقىنى» حالىقارالىق اتتى ءان بايقاۋىنا قازاقستان اتىنان سولتۇستىك قازاقستان وبلىسىنداعى تايىنشا قالاسىنىڭ تۇرعىنى ءامينا جانار بارادى.

ۇلتتىق ىرىكتەۋ كەزىندە قازىلار القاسىن كىشكەنتاي قىز كۇشتى داۋسىمەن تاڭداندىردى.

«بۇل ناعىز قويىلىم بولدى، وتە قيىن ءارى تەرەڭ ءان»، - دەيدى «ايالاعان استانا» ءان بايقاۋىنىڭ قازىلارى.

«كۋكۋشكا» ءانىن ورىنداعان ءاميناعا قازىلار 50 ۇپايدان 49 ۇپاي بەردى. «مەن 10 جاستامىن. «ايالاعان استانا» بايقاۋى ماعان ۇنادى، دوستارىم دا كوبەيدى. مەن ۆيكتور سويدىڭ ءانىن ايتتىم. قازىلار بۇل ءاندى جاقسى سەزىنگەنىمدى ايتادى. ەندى قازاقستاننىڭ نامىسىن قورعاۋعا دايىندالامىن. ماعان داۋىس بەرگەندەرگە ۇلكەن راحمەت»، - دەيدى بايقاۋ جەڭىمپازى.

ءامينا بۇل ونەر كورسەتۋىن ەكى جاستاعى يامين اتتى سىڭلىسىنە ارنادى. ونىڭ دەنساۋلىعى ناشار كورىنەدى. ء»اندى تىڭداي سالا ۇنادى. ءامينا ءوزى تاڭدادى، وزىنە جاقىن. ول ءسىڭلىسى اۋرۋمەن سارباز سياقتى كۇرەسىپ جاتىر دەپ ەلەستەتەدى.

يامينانىڭ كەمتارلىعى بار. ونىڭ مي دامۋىندا تۋما اقاۋلىعى بار. ناقتى دياگنوز جوق. 2 جاسىندا عانا جۇرە باستادى، ءبىراق، ىلگەرلەۋ بار»، - دەيدى قىزداردىڭ اناسى ولەسيا جاپار. «بالالار جاڭا تولقىنى» حالىقارالىق اتتى ءان بايقاۋىنىڭ اقتىق سايىسى جاز ايلارىندا رەسەيدە وتەدى.

وندا ءار ەلدەن جينالعان 8 بەن 12 جاس ارالىعىنداعى بالالار ونەر كورسەتەدى. قاتىسۋشىلارعا SMS- حابارلاما ارقىلى داۋىس بەرۋگە بولادى، ءنومىرى بايقاۋدىڭ اشىلۋىنان كەيىن بەلگىلى بولادى.

Tengrinews.kz