الەمدەگى ەڭ ۋلى ورمەكشى شاققان 10 جاسار بالا امان قالدى

استانا. قازاقپارات - اۆستراليادا 10 جاسار ۇلدىڭ الەمدەگى ەڭ ۋلى سانالاتىن - سيدنەيلىك ورمەكشى شاعىپ الدى، مەديتسينا ماماندارى بالانىڭ ومىرىنە اراشا بولا الدى، دەپ حابارلايدى قازاقپارات ВВС- گە سىلتەمە جاساپ.

  وقيعا ەلدىڭ وڭتۇستىك- شىعىسىنداعى بەركلي ۆەيل قالاشىعىندا بولدى. مەتيۋ ميتچەل اكەسىنە سارايدى رەتكە كەلتىرۋگە كومەكتەسىپ جاتقان، كەنەتتەن، ساۋساعى اۋىرىپ كەتكەنىن سەزگەن. ودان كەيىن بالانىڭ تۇلا- بويى تىرىسىپ، اۋزىنان كوپىرىك شىعا باستاعان.

اكەسى بالانى دەرەۋ جەرگىلىكتى گوسپيتالعا جەتكىزىپ، وعان ۋعا قارسى 12 ينەكسيا جاسالعان. جۋرناليستەردىڭ ايتۋىنشا، ۋعا قارسى ءدارى- دارمەكتەردىڭ مولشەرى ءۇش ەسە ارتىق بەرىلگەن، دەپ جازادى «ر ي ا نوۆوستي» اگەنتتىگى.

وقيعا ورنىندا تابىلعان ورمەكشى اۆستراليانىڭ باۋىرىمەن جورعالاۋشىلار پاركىنە جىبەرىلدى.

پارك ديرەكتورى مۇنداي ورمەكشىنىڭ ۋىنان كەيىن ءتىرى قالۋ ەكىتالاي ەكەندىگىن ايتىپ، مەتيۋدىڭ باعى بارىن اتاپ ءوتتى.