سولتۇستىك قازاقستان وبلىسىندا بۇعى اتقاندارعا 10 ميلليون تەڭگە ايىپپۇل سالىنادى
دەپ حابارلايدى قازاقپارات ءتىلشىسى وبلىستىق ءى ءى د باسپا ءسوز قىزمەتىنە سىلتەمە جاساي وتىرىپ.
اۋداندىق پوليتسياعا زاريا اۋىلىنىڭ ەكى تۇرعىنى «كوكشەتاۋ» مەملەكەتتىك تابيعي قورىعىنىڭ شالقار فيليالىنىڭ اۋماعىنان بۇعىنى زاڭسىز اتىپ العانى جونىندە ءمالىم ەتىلگەن. اقپاراتتى تەكسەرۋ بارىسىندا ول راستالدى.
براكونەرلىك جاسادى دەگەن كۇدىكپەن 1984 جانە 1994 -جىلعى ەكى اۋىل تۇرعىنى ۇستالدى. جىگىتتىڭ ءبىرىنىڭ ۇيىنەن بۇعىنىڭ ەتى، ال ورماننان اڭنىڭ باسى جانە تەرىسى تابىلدى. تىركەلمەگەن 16 كاليبرلى ەكى اڭشى مىلتىعى، وق، بالتا جانە ەكى شاڭعى تاركىلەندى.
قازىرگى ۋاقىتتا ەت ساراپتاماعا جىبەرىلدى. وسى وقيعا بويىنشا ق ر ق ك- ءنىڭ «زاڭسىز اڭ اۋلاۋ» 337 - بابى 4 - بولىگى بويىنشا سوتقا دەيىنگى تەرگەۋ باستالدى. اتالمىش باپتا بەس جىلعا باس بوستاندىعىنان ايىرۋ جانە 5 مىڭ ا ە ك كولەمىندە ايىپپۇل سالۋ قاراستىرىلعان.
اۆتور: جانىبەك امانگەلدى
