ۋنيۆەرسيادا: دەنيس تەن قازاقستان قورجىنىنا 10- «التىندى» سالدى

استانا. قازاقپارات - ۋنيۆەرسيادا ويىندارىندا ەرلەر اراسىندا مانەرلەپ سىرعاناۋدان ەركىن باعدارلاماداعى جارىس اياقتالدى.

بۇل دودادا قازاقستان نامىسىن دەنيس تەن مەن ابزال راحىمعاليەۆ قورعادى. سايىس «قازاقستان» ۇلتتىق ارناسىنان تىكەلەي ەفيردە كورسەتىلدى. دەنيس تەن 266.97 ۇپاي جيناپ، ۋنيۆەرسيادا التىنىن ولجالادى. ال ابزال 12 -ورىنعا تابان تىرەدى. ەكىنشى ورىندى جاپوندىق كەيدزي تاناكا (252.09 ۇپاي) ەنشىلەدى. ال قولانى الەكساندر مايوروۆ (246.56) قانجىعالادى.

ەسكە سالا كەتسەك، كەشە ۋنيۆەرسيادا-2017 جارىسىنداعى مانەرلەپ سىرعاناۋشىلاردىڭ قىسقا باعدارلاما بويىنشا سايىسىندا قازاقستاندىق دەنيس ءبىرىنشى ورىندى يەلەنگەن ەدى. قازىر قازاقستان 10 التىن، 2 كۇمىس، 9 قولا مەدالمەن جالپى ەسەپتە ەكىنشى ورىندا تۇر.

اۆتور: ەربول جانات