تۇرعىن ءۇيدىڭ 10- قاباتىنداعى پاتەردەن بومبا تابىلدى
استانا. قازاقپارات - بۇگىن، 15- جەلتوقساندا ماسكەۋلىك پاتەرلەردىڭ بىرىنەن بومبا تابىلدى.
جارىلعىش زات زالالسىزداندىرىلدى. ول ونىنشى قاباتتان تابىلعان.
وقيعا چەرەمۋشكا مەتروسىنا جاقىن جەردە نامەتكين كوشەسى، 11 ۇيدە ورىن الدى. بارلىعى 145 ادام ەۆاكۋاتسيالانسا، ونىڭ جيىرماعا جۋىعى - بالالار.
ەشكىمنىڭ زارداپ شەكپەگەنى بەلگىلى بولدى. قازىر وقيعا ورنىندا كريميناليستەر، كۇش قۇرىلىمدارى جۇمىس ىستەۋدە، دەپ حابارلادى ر ي ا نوۆوستي قۇقىق قورعاۋ ورگاندارىنداعى دەرەك كوزگە سىلتەمە جاساپ.
