بيىل قازا تاپقان جۋرناليستەر سانى 10 جىلداعى رەكوردتىق كورسەتكىشكە جەتكەن
استانا. قازاقپارات - جىل باسىنان بەرى 21 ەلدە 144 جۋرناليست وپات بولعان.
مۇنداي مالىمەت Press Emblem Campaign ۇكىمەتتىك ەمەس ۇيىمىنىڭ جىل سايىنعى بايانداماسىندا جاريالاندى.
ۇيىم دەرەگىنە سۇيەنسەك، بۇل سوڭعى 10 جىلداعى رەكوردتىق كورسەتكىش. ب ا ق ماماندارى ءۇشىن ەڭ قاۋىپتى ايماقتاردىڭ كوش باسىندا تاياۋ شىعىس پەن سولتۇستىك افريكا تۇر.
بيىل يراكتا - 16، سيريادا - 14، اۋعانستاندا - 12، مەكسيكادا - 12، يەمەندە - 9، رەسەيدە - 3، ۋكراينادا - 2 جۋرناليست وپات بولىپتى. ال، 29-قاراشادا كولۋمبياداعى اۆتوكولىك اپاتىندا برازيليالىق 20 ءتىلشى اجال قۇشقان ەدى.
بۇعان دەيىن ءتورتىنشى بيلىك وكىلدەرىنىڭ ەڭ كوپ ءولىمى 2011 -جىلى تىركەلگەن. ول جىلى الەمنىڭ 39 ەلىندە قىزمەتتىك مىندەتىن اتقارىپ جۇرگەن 106 جۋرناليست مەرت بولعان.
دەرەككوز: gazeta.ru
