ايەلدەردىڭ اشۋىن كەلتىرەتىن ەرلەر كيىم-كەشەگىندەگى 10 زات

الايدا ازاماتتارىمىزدىڭ نامىسىن مۇقاتپاس ءۇشىن ول جونىندە ايتا بەرمەيمىز.

بۇل رەتتە ايەلدەرگە ارنالعان ءبىرقاتار فورۋمدار مەن جۋرنالداردى پاراقتاپ، ەر- ازاماتتار گاردەروبىنداعى قانداي كيىمنىڭ ارۋلارعا ۇنامايتىنىن انىقتاپ كورۋگە تىرىستىق.

جەڭىل جەيدە نەمەسە كۇرتەدەگى ويىقتىڭ تىم ۇلكەندىگى

ەگەر V- ىسپەتتەس ويىق سىرت بەينەڭىزدى ءساندى، تارتىمدى ەتسە، ونىڭ شامادان تىس ۇلكەن بولۋى ارزان ءارى تۇرپايى كورىنەدى.

تىم قىسقا شولاق شالبار

تىزەدەن جوعارى ءساندى شولاق شالبارلار - نازىك جاندىلار ءتۇسىنىپ بولمايتىن دۇنيە. جالاڭاشتانعان تۇكتى اياعىڭىز قوعامدىق ورىنداردا ايەلدەردى ەستەن تاندىراتىنى انىق. ءبىز مۇنداي كورىنىسكە ءالى دە دايىن ەمەسپىز.

ءتۇرلى ۇراندار مەن ازىلدەر جازىلعان جەڭىل جەيدە

ءتۇرلى ۇراندار جازىلعان جەڭىل جەيدەلەر بىردەن كوزگە ۇراتىن جارناما سياقتى كورىنەدى. وزىڭىزگە نازار اۋدارتۋدىڭ بۇل ءادىسىن ۇتىمدى دەۋگە كەلمەس. الدەكىمنىڭ قارابايىر ويىن ايگىلەگەنشە، قاراپايىم، ءبىراق ساپالى كيىم كيگەنىڭىز ابزال.

ۆەتنامكالار

ۆەتنامكالاردى ەرلەر دە، ايەلدەر دە تەك جاعاجايدا عانا كيۋى كەرەك. ولار قالالىق ورتادا كيۋگە ارنالماعان.

كوستيۋمنەن بولەك كيىلگەن كوكىرەكشە

سىرت بەينەسىن ەرەكشەلەۋ ءۇشىن جەڭىل جەيدە، كۇرتە سىرتىنان كوكىرەكشە كيەتىن ازاماتتار بار. وكىنىشكە وراي، قىزدارعا بۇل تارتىمدى كورىنبەيدى. بالكىم، قىزىقتى كورەر. كوكىرەكشەنى تەك كلاسسيكالىق كوستيۋممەن كيگەن دۇرىس.

كولەمدى تۇيىندىك نەمەسە اشەكەي بۇيىمى بار بەلبەۋ

كولەمدى تۇيىندىك، اشەكەي بۇيىمى بار ۇلكەن بەلبەۋ - باياعىدا ساننەن قالعان دۇنيە. ودان دا بەلبەۋدىڭ تەك شالباردى ۇستاپ تۇرۋ قىزمەتى بار، قارا نەمەسە قوڭىر ءتۇستى بىلعارى كلاسسيكالىق ۇلگىلەرىن تاڭداعانىڭىز ءجون.

كەڭ كوستيۋم

كوستيۋم - ەر ادام گاردەروبىنداعى ەڭ سەكسۋالدى جانە تارتىمدى كيىم. ءبىراق سىزگە قۇيىپ قويعانداي بولسا عانا تارتىمدى كورىنۋدەن ۇمىتتەنگەيسىز. وكىنىشكە وراي، قاپ ءتارىزدى كەڭ كوستيۋم سۇيىكتىڭىزدىڭ تاڭدانىس تۋدىرا قويمايدى.

ال قىزىل ءتۇستى كيىمدەر

ايەلدەرگە ەر ادام كيىمىندەگى القىزىل ءتۇستى نە ءۇشىن جەك كورەتىنىن ءتۇسىندىرۋ قيىنعا سوعادى. مۇمكىن بۇل ترەند ءبىز ءۇشىن «تىم مەتروسەكسۋالدى» بولار.

تىم تىرىسقان دجينسى

تار دجينسىلاردى كيگەندە تۇرعان قورقىنىشتى دانەمە جوق. ءبىراق ولار ايەلدەر لەگينستارىنا ۇقساسا، كەلبەتىڭىزدىڭ تىرتىمدى كورىنۋى ەكىتالاي. ەلدىڭ وزىڭىزدەن ۇركىتەرى انىق.

بيجۋتەريا جانە ساندىك بۇيىمدار

شەكتەن تىس مولشەردەگى ساندىك بۇيىمدار ەشكىمگە جاراسپايدى. بەينەڭىزدى ءساندى ەتە ءتۇسۋ ءۇشىن ءبىر- ەكى ساپالى ءارى ءساندى بۇيىم عانا جەتەرلىك.

ءساندى ءارى تارتىمدى كورىنۋ ءۇشىن قالاي كيىنۋ كەرەك؟

كيىم مەن اشەكەي بۇيىم تاڭداۋداعى جوعارى تالعامنان بولەك، ەر- ازاماتتار ەڭ الدىمەن كيىمنىڭ ۇقىپتىلىعى، تازالىعىنا ءمان بەرۋى ءتيىس. مىجىلعان، ەسكى جانە ولشەمىڭىزگە ساي ەمەس كيىم كيمەگەنىڭىز ءجون. ونى كەز- كەلگەن ارۋدىڭ باعالايتىنى انىق.

ءبىز ءسان الەمىندەگى ەڭ ۇلكەن «قىلمىس» ەسەبىندەگى مىنا ءبىر دۇنيەنى تىزىمگە ارنايى قوسپادىق: مۇنداي ۇيلەسىم تۋرالى ءسوز قوزعاۋدىڭ دا قاجەتى جوق. ءبىراق ول جايلى ۇمىتقان نەمەسە كۇماندانعان جانداردىڭ نازارىنا تاعى ءبىر مارتە ۇسىنباقپىز.

دەرەككوز: Stan.kz