ساكەن مايعازيەۆ 10 جىل بويى مەيرامبەكتەن جاسىرعان سىرىن ءبولىستى

بۇل تۋرالى استانا ارناسىنىڭ "ەل اۋزىندا" باعدارلاماسىندا ايتىلدى.

كۇنى كەشە 40 جاسقا تولعان مەيرامبەك بەسپايەۆ الماتىنىڭ تورىندە دۇركىرەتىپ توي جاسادى. اتالعان وتىرىسقا قازاق ەستراداسىنىڭ بارشا جۇلدىزدارى كەلدى. ولار مەيرامبەككە اق تىلەكتەرىن جاۋدىرىپ، كوپتەن بەرى ايتىلماعىن ەستەلىكتەرىن ءبولىستى. وسى ورايدا ساكەن مايعازيەۆ تە دوسىنان 10 جىل بويى جاسىرىپ كەلگەن قۇپياسىن اشتى.

«9 -سىنىپتى ءبىتىرىپ، العاش چايكوۆسكي كوللەدجىنە تاپسىرۋ ءۇشىن الماتى قالاسىنا كەلدىم. سايران بەكەتىنەن تۇسكەن كەزدە الماتىنى ومىرىمدە ءبىرىنشى رەت كوردىم. تاڭ ارايلاپ اتىپ، بوزارىپ كەلە جاتقان شاق بولاتىن. سونداي ادەمى. اۆتوبۋستان تۇسە سالىپ، «وسى قالادا مەيرامبەك تۇرادى عوي ءا؟!» دەگەن وي كەلدى. قازىر «نەگە روزا رىمبايەۆا، ماقپال ءجۇنىسوۆا ەمەس، نەگە ناعيما ەسقاليەۆا، مارات وماروۆ، نۇرلان ونەربايەۆ ەمەس؟ نەگە ەڭ ءبىرىنشى مەيرامبەك تۋرالى ويلادىم ەكەن؟» دەپ ويلايمىن. ءالى كۇنگە دەيىن وزىمە تاڭ قالامىن. «مۋزارتتىڭ» 10 جىلدىق مەرەي تويىندا دا وسىنى ءبىرىنشى رەت مەيرامبەككە ايتىپ بەردىم. ول «10 جىل بويى ماعان سونى ايتپاي، ىشىڭە قالاي سىيىپ كەلگەن؟» دەپ كۇلدى»، - دەيدى ساكەن مايعازيەۆ.

ونەردە جۇرگەندەرىنە 15 جىل بولسا دا، سىيلاستىقتارى بۇزىلماعان ولار كىمگە دە بولسا ۇلگى. قاي اكە بولماسىن، ۇلىم وسىنداي بولسا ەكەن دەپ ارماندايدى. مىسالى، نۇرجان كەرمەنبايەۆ تا سولاردىڭ قاتارىندا. ول تۇڭعىشىنىڭ تۇساۋىن ساكەن مايعازيەۆكە كەستىردى.

«نۇرجان ءوزىنىڭ التىن اسىقتاي ۇلىنىڭ تۇساۋىن ماعان كەستىرەمىن دەپ جاتىر. بۇل - مەن ءۇشىن ۇلكەن مارتەبە، ۇلكەن قۋانىش، ونىڭ ماعان ارتقان ءۇمىتى. ماعان تارتسا دەپ ىرىمداپ جاتىر ەكەن. مەن ۇلى بىزدەن اسسىن دەپ ايتار ەدىم. سەبەبى، ءبىزدىڭ شىققان بيىگىمىزدەن، شىقپاعانىمىز كوپ. العان قامالىمىزدان، الماعانىمىز كوپ»، - دەيدى ساكەن مايعازيەۆ.