07:06, 31 - قازان 2016 | GMT +5
تۇركيادا 10 مىڭ مەملەكەتتىك قىزمەتكەر جۇمىسىنان بوساتىلدى
استانا. قازاقپارات - تۇركيادا فەتحۋللاح گۇلەنمەن بايلانىسى بار دەگەن ايىپپەن 10 مىڭ مەملەكەتتىك قىزمەتكەر جۇمىستان شىعارىلدى.
بۇل تۋرالى Anadolu-عا سىلتەمەمەن «حابار 24» حابارلايدى.
Resmi Gazete- ءنىڭ رەسمي دەرەكتەرى بويىنشا 10 مىڭ 131 جۇمىسشى جۇمىستان بوساتىلعان. ونىڭ ىشىندە 32 ءسى پارلامەنت شەنەۋنىگى، 183 ادام كاسساتسيالىق سوتتان، 2534 ادام ەلدىڭ ادىلەت مينيسترلىگىنەن، 102 ءسى سىرتقى ىستەر مينيسترلىگىنەن، سونداي- اق 101 ادام تۇركيانىڭ قارۋلى كۇشتەرىنەن، دەپ جازدى gazeta.ru.
سونىمەن قاتار تاعى 15 ب ا ق، ونىڭ ىشىندە Dicle جاڭالىقتار اگەنتتىگى مەن كوپتەگەن گازەت- جۋرنالدار جابىلدى. ولار كۇردىستان جۇمىسشىلار پارتياسىنىڭ يدەيالارىن ناسيحاتتاعانى ءۇشىن ايىپتالدى.
