ورتكە ورانعان اۆتوبۋستان 10 وقۋشىنى قۇتقارعان جۇرگىزۋشى ماراپاتتالدى
«Green Bus» ج ش س ديرەكتورىنىڭ ورىنباسارى باحىتجان رىسپايەۆتىڭ ايتۋىنشا، اۆتوبۋس جولعا شىقپاستان بۇرىن ابدەن تەكسەرىلگەن.
«قورىتىندىسى شىقپاي، اۆتوبۋستىڭ ورتەنۋ سەبەبىن ءالى ايتا المايمىن. كوميسسيا تىڭعىلىقتى ساراپتاما جاساپ جاتىر. كوميسسيا قۇرامىنا ءارتۇرلى قىزمەت ماماندارى، مەملەكەتتىك ورگان وكىلدەرى ەندى. ءبىز ەندى الدا مۇنداي جاعدايدى بولدىرماۋ ءۇشىن قاۋىپسىزدىك شارالارىن قاراستىراتىن بولامىز»، - دەدى ول.
ايتا كەتەيىك، بۇگىن الماتى قالاسى بويىنشا ت ج د باسشىسى سەرىك اۋباكىروۆ اتالعان باعدارداعى اۆتوبۋس جۇرگىزۋشىسى، 30 جاستاعى ازامات ساعىنوۆقا ءورت سوندىرۋشىلەردى كۇتىپ تۇرماستان، كولىكتەگى 10 وقۋشىنى قۇتقارعانى ءۇشىن العىس حات تاپسىردى.
جۇرگىزۋشى ءوز سوزىندە ءورت شىققاندا ساسىپ قالماعانىن، جولاۋشىلاردى ءتۇسىرىپ بولعان سوڭ عانا، ءورت ءسوندىرۋ باللونىمەن قىزىل جالىندى اۋىزدىقتاۋعا كىرىسكەنىن ايتتى.
ەسكە سالا كەتەيىك، 6 - قازان كۇنى دوستىق داڭعىلى بويىمەن بۋتاكاۆكاعا كەتىپ بارا جاتقان №29 اۆتوبۋس ورتەنىپ كەتتى. جۇرگىزۋشى اۆتوبۋستى توقتاتىپ، 10 وقۋشىنى الىپ شىققان.
اۆتور: الماس مۇقاش ۇلى
