سۇلۋ ءمۇسىن يەسى بولعىسى كەلەتىندەرگە 10 كەڭەس

استانا. قازاقپارات - ادەمى ءمۇسىن يەسى بولعىڭىز كەلسە، ءبىز ۇسىنعان مىنا كەڭەستەردى ۇستانىپ ءجۇرىڭىز:

مايلى، ءتاتتى، ۇننان جاسالعان تاماقتى ءوزىڭىزدىڭ اس مازىرىنەن الىپ تاستاڭىز؛

ەگەر ءسىز بالا كەزىڭىزدەن ىدىسىڭىزدا تۇك قالدىرماي جەۋگە ۇيرەنسەڭىز، ەندى بارلىق تاماقتى تاۋىسىپ ىشپەۋگە تىرىسىڭىز. ال، ناقتىراق ايتقاندا بۇرىنعى نورمانىڭ تەك جارتىسىن جەپ، تويۋعا داعدىلانىڭىز؛

كوپ قوزعالىپ، گيمناستيكا، دەنە شىنىقتىرۋمەن اينالىسىڭىز، قىستىڭ ايازىن سىلتاۋ ەتە بەرمەي، جىلىراق كيىنىپ، جاياۋ ءجۇرۋدى ادەتكە اينالدىرىڭىز؛

تاماق ۇستىندە الاڭداماڭىز. ماسەلەن، الەۋمەتتىك جەلىگە تاماق ءىشىپ وتىرعان كەزدە كىرمەۋگە تىرىسىڭىز؛

 الدىڭىزعا قويىلعان تاماقتىڭ ءدامى مەن ءيىسىن سەزىنۋگە تىرىسىڭىز؛

تاماقتى ابدەن شايناپ بارىپ جۇتىڭىز. (كەيبىر عالىمداردىڭ پىكىرىنشە، اۋزىڭىزعا سالعان تاماقتى 33 رەت شايناۋ كەرەك ەكەن) . جۇتقان سايىن ازعانا ءۇزىلىس جاساپ، سونان سوڭ عانا قاسىق- شانىشقىڭىزدى قايتا ۇستاڭىز؛

 جالعىز تاماقتانباۋعا تىرىسىڭىز؛

تاماقتى ۇيىقتار الدىندا 3-4 ساعات بۇرىن ىشكەنىڭىز ءجون؛

 تاماق ءىشۋ ۋاقىتىن سوزۋعا تىرىسىڭىز. سەبەبى، ءسىزدىڭ اسقازانىڭىزعا اس بارعانى تۋرالى سيگنال ميعا 20 مينۋتتا عانا جەتەدى. ال وسى ۋاقىت ارالىعىندا قانشاما ارتىق مولشەردە تاماق ءىشىپ قويۋعا بولاتىنىن بىلەسىز بە؟

قازاقتا «تاڭعى استى تاستاما» دەگەن دانالى ءسوز بار. بۇل تۋرالى عالىمدار دا ءقازىر تولاسسىز جازۋدا. ۇيقىڭىزدان ەرتەرەك ويانىپ، تاڭعى اس ءىشۋدى ادەتكە اينالدىرىڭىز.

arular.kz