جاساندى تۇسىك جاساتقانى ءۇشىن تۇرمەگە قامايتىن 10 ەل

استانا. قازاقپارات - 2014 -جىلى قازاقستاندا رەسمي تۇردە 83 مىڭ بولاشاق انا جاساندى تۇسىك جاساتقان.

قۇرساقتاعى سابيىنەن وزدىگىنەن ارىلعاندار قانشاما؟! «دەنى ساۋ ازيا» قورىنىڭ ديرەكتورى ناعيما پلوحيحتىڭ سوزىنشە، جىل سايىن قازاقستاندا جاساندى تۇسىك جاساتاتىندار سانى ارتپاسا، كەمىمەي وتىر. زەرتتەۋ ناتيجەلەرى قازاقستاندىق ازاماتشالاردىڭ %80 ىنىڭ تۇسىك جاساتقانىن كورسەتتى.

ناگيمى پلوحيحتىڭ سوزىنشە، ءتىپتى، ۇلى وتان سوعىسى ۋاقىتىندا دارىگەرلەر بولاشاق انالاردى تۇسىك جاساتپاۋعا كوندىرۋگە تىرىسقان. ول اتالمىش تاجىريبەنى بۇگىنگى قازاقستاندا دا قولدانۋ كەرەك دەپ ەسەپتەيدى.

نازارلارىڭىزعا ابورت جاساتقانى ءۇشىن اباقتىعا قامايتىن ەلدەر ءتىزىمىن ۇسىنامىز

سالۆادور

سالۆادوردا 1998 -جىلدان باستاپ تۇسىك جاساتۋعا تىيىم سالىنعان. ءتىپتى، زورلىق- زومبىلىقتىڭ سالدارىنان جۇكتى بولىپ قالعان ايەلگە تۇسىك جاساتۋعا رۇقسات ەتىلمەگەن. بۇل ءۇشىن ازاماتشالار 2 جىلدان 8 جىلعا دەيىن باس بوستاندىعىنان ايىرىلۋى مۇمكىن. سالۆادور كونسەرۆاتيۆتى پارتياسى ابورت جاساتقان قىز- كەلىنشەكتەردى 50 جىلعا دەيىن اباقتىعا قاماۋ تۋرالى ۇسىنىس جاساعان.

مىسىر

مىسىر ەلىندە ابورت جاساتۋ - قىلمىستىق جازاعا تارتىلاتىن قىلمىس. تۇسىك جاساتقان ايەل ءۇش جىل كولەمىندە تۇرمەگە قامالسا، ونى جاساعانن دارىگەر، مەيىربيكە مەن اكۋشەرلەر 15 جىلعا دەيىن باس بوستاندىعىنان ايىرىلۋى مۇمكىن.

يرلانديا

اتالمىش ەلدە تۇسىك جاساتۋ كىسىگە جاسالعان قاستاندىقپەن تەڭ. قىلمىستىق اكتتىڭ 58 جانە 59 -باپتارى بويىنشا جۇكتىلىگىن ورتا جولدان جاساندى تۇردە ۇزگەن ازاماتشالار 5 جىلعا دەيىن باس بوستاندىعىنان ايىرىلادى.

چيلي

چيلي ەلىندە جاساندى تۇسىك جاساتۋ ايەلگە قاتىستى زورلاۋ كۇشىن قولدانۋمەن پارا- پار. ايەلدىڭ كەلىسىمەمەن تۇسىك جاساعان تۇلعا دا قىلمىستىق جاۋاپكەرشىلىككە تارتىلادى. ابورت جاساتۋ ءۇشىن قاجەتتى ورىنمەن قامتاماسىز ەتكەن نەمەسە باسقا دا كومەك كورسەتكەن جاندار 541 كۇننەن ءۇش جىلعا دەيىن سوتتالۋى مۇمكىن.

ۆەنەسۋەلا

ۆەنەسۋەلا ەلىنلدە تەك ومىرىنە قاۋىپ ءتونىپ تۇرعان ايەلدىڭ عانا جاساندى تۇسىك جاساتۋعا قۇقىعى بار. ال وزدىگىنەن بۇل قادامعا بارعان ايەلدەر التى ايدان ەكى جىلعا دەيىن باس بوستاندىعىنان ايىرىلۋى مۇمكىن. ال ابورت جاساعان دارىگەر نەمەسە باسقا دا تۇلعالار ءبىر جىلدان ءۇش جىلعا دەيىن تۇرمەگە قامالادى.

پاراگۆاي

پاراگۆاي زاڭدارى بويىنشا دا انانىڭ دەنساۋلىعىنا قاۋىپ تونگەن جاعدايدا جاساندى تۇسىك جاساتۋعا رۇقسات ەتىلەدى. باسقا كەز كەلگەن جاعدايدا ابورت قىلمىستىق ءىس بولىپ تابىلادى. وتكەن جىلى، دەنساۋلىق ساقتاۋ مينيسترلىگى زورلانعان ون جاستاعى قىزعا دا جاساندى تۇسىك جاساتۋعا تىيىم سالعان.

نيكاراگۋا

نيكاراگۋادا كەز كەلگەن جاعدايدا تۇسىك جاساتۋ قىلمىس بولىپ تابىلادى. 2003 -جىلى زورلانعان توعىز جاسار روزا ەسىمدى قىز جۇكتى بولىپ قالعان. جەكە مەنشىك اۋرۋحانادا تۇسىك جاساتقاننان كەيىن نيكاراگۋا دەنساۋلىق ساقتاۋ ءمينيسترى ليۋسيا سالۆو اتالمىش وقيعانى قىلمىسقا تەڭەپ، تۇسىك جاساتۋ راسىمىنە قاتىسقان تۇلعالاردىڭ ۇستىنەن قىلمىستىق ءىس قوزعالعان.

فيليپپين

فيليپپين ەلىندە دە جاساندى تۇسىك جاساتۋ زاڭمەن قۋدالانادى. كاتوليكتىك شىركەۋلەر ابورت جاساتۋعا قارسى. ال فيليپپين كاتوليكتىك ەل سانالادى.

كولۋمبيا

كولۋمبيادا انانىڭ ومىرىنە ءقاۋىپ تونسە، جۇكتىلىك زورلىقتىڭ سالدارىنان ورىن السا جانە ۇرىقتىڭ وزگەرگەنى دالەلدەنسە، ابورت جاساتۋعا رۇقسات بەرىلگەن. وزگە جاعدايلاردا ابورت جاساتۋ قىلمىس بولىپ سانالادى. ء"جۇيتى ايەل ابورتقا ەمەس، قولداۋعا ءزارۋ"، - دەيدى شىركەۋدەگى ءدىن قىزمەتكەرلەرى.

يران

يران - ب ۇ ۇ- نىڭ ايەلدەر قۇقىعىن قورعاۋ تۋرالى كونۆەنتسياسىنا قول قويماعان ءىرى مۇسىلمان ەلى بولىپ تابىلادى. جاساندى تۇسىك جاساتۋ بۇل ەلدە ءدىني سەبەپتەرگە بايلانىستى رۇقسات ەتىلمەگەن. زاڭ بويىنشا، جۇكتىلىگىن ورتا جولدان توقتاتقان ايەلدەر اباقتىعا قامالادى.