قازاقستاندىق كونترابانداشى ءبىرقازان باستارىن الىپ وتپەك بولعانى ءۇشىن 10 جىلعا سوتتالۋى مۇمكىن
ول 10 جىلعا باس بوستاندىعىنان ايىرىلۋى مۇمكىن، دەپ حابارلادى ت ا س س باتىس- ءسىبىر كولىك پروكۋراتۋراسىنا سىلتەمە جاساپ.
«تەرگەۋ نۇسقاسى بويىنشا ايىپتالۋشى قازاقستان رەسپۋبليكاسى اۋماعىندا بەلگىسىز بىرەۋدەن ر ف قىزىل كىتابىنا ەنگىزىلگەن تۇرىنە جاتاتىن ءبىرقازان تۇقىمداس قۇستاردىڭ كەپتىرىلگەن باسىن ساتىپ العان»، - دەلىنگەن حابارلامادا.
قازاقستان ازاماتىنا قاتىستى ر ف ق ك 226.1-بابى 1-بولىگى بويىنشا قىلمىستىق ءىس قوزعالدى. ايىپتاۋ قورىتىندىسىن رۋبتسوۆ كولىك پروكۋرورى بەكىتىپ، ءىس التاي ولكەسىنىڭ ترەتياكوۆسكي اۋداندىق سوتىنا جىبەرىلدى. ەر ادام 10 جىلعا سوتتالۋى مۇمكىن. باپتىڭ سانكسياسى 1 ميلليون رۋبلگە دەيىنگى مولشەردەگى ايىپپۇلدى كوزدەيدى.
ەسكە سالساق، ءوز كولىگىمەن رەسەيگە قۇستىڭ باسىن الىپ وتپەك بولعان ەر ادامدى رەسەي ف ق ق التاي ولكەسىندەگى شەكارا قىزمەتىنىڭ قىزمەتكەرلەرى مەن التاي كەدەن قىزمەتىنىڭ جەدەل قىزمەتكەرلەرى ۇستادى. ونىڭ قولىندا ءۇش جول سومكاسى بولعان.
