قارتايۋ پروتسەسىن تەزدەتەتىن 10 ادەت

استانا. قازاقپارات - ادام بالاسىنىڭ ەرتە قارتايۋى تۇقىمقۋالاۋشىلىقپەن دە بايلانىستى بولۋى مۇمكىن.

الايدا بۇل قارتايۋ پروتسەسسىنە اسەر ەتەتىن جالعىز فاكتور ەمەس. قارتايۋ پروتسەسسىنە ادامنىڭ ءوزى دە اسەر ەتە الادى.

1. كۇندەلىكتى راتسيوننان مايدى الىپ تاستاۋ

سىرت كەلبەتىنە ەرەكشە ءمان بەرەتىن ادامدار ادەتتە راتسيونىنان مايدى الىپ تاستاۋعا تىرىسادى. مۇنداي ديەتا دەنەنى ءاجىم باسۋىنا الىپ كەلەدى. ديەتاعا قىزىل بالىق، جاڭعاق، قايماق جانە مايدى قوسقان ءجون. بۇلار كەرىسىنشە جاستىقتى ۇزارتادى.

2. سۋسىندى تۇتىكشە ارقىلى ءىشۋ

ءبىز سۋسىندى تۇتىكشە ارقىلى ىشكەن كەزدە ەرنىمىزدىڭ اينالاسىندا ءاجىم پايدا بولادى. بۇل شىلىم شەگۋگە دە قاتىستى. ءومىر جاسىڭىزدى ۇزارتقىڭىز كەلسە، شىلىمنان باس تارتىڭىز.

3. قىرىمەن ۇيىقتاۋ

ءبىز قىرىمىزبەن ۇيىقتاعان كەزدە، بەتىمىز جاستىققا "باتىپ" كەتەدى دەسەك تە بولادى. وسىنىڭ سالدارىنان بەت پەن يەكتە ءاجىم پايدا بولادى. ەڭ دۇرىسى، شالقاسىنان جاتىپ ۇيىقتاۋ.

4. بۇكىرەيىپ ءجۇرۋ

ءبىز بۇكىرەيىپ وتىرعان كەزدە، ومىرتقامىز قيسايا باستايدى. بۇلشىق ەتتەرىمىزدىڭ بەلگىلى ءبىر بولىگىنە عانا سالماق ءتۇسىپ، ارتىنشا اۋىرسىنۋدى سەزىنەمىز. بويدى تىك ۇستاۋدىڭ پايداسى مول. ءجۇرىسىمىز وزگەرىپ، دەنساۋلىعىمىز دۇرىستالادى.

5. كۇننەن تەك دەمالىس كەزىندە قورعانۋ

ۋلتراكۇلگىن ساۋلەلەر - ەرتە قارتايۋدىڭ باستى سەبەبى. وسىعان وراي كۇندىزگى كرەمىڭىزدىڭ كۇننەن قورعايتىن اسەرى بولعان ءجون. بۇلت %80 ۋلتراكۇلگىن ساۋلەلەردى وتكىزەتىندىكتەن، بۇل كەزدە دە كۇننەن قورعايتىن كرەم جاققان دۇرىس.

6. بولمەنى شەكتەن تىس جىلىتۋ

بولمەنى قاتتى جىلىتقان كەزدە، اۋا قۇرعاق بولا باستايدى. بۇل ءبىزدىڭ شاشىمىز بەن تەرىمىزگە ۇلكەن اسەرىن تيگىزەدى.

سوندىقتان جىلۋدى دا ورنىمەن پايدالانعان ءجون.

7. قانتتان تۇبەگەيلى باس تارتۋ

ءتاتتىنى كوپ مولشەردە جەسەڭىز، زيانىن تيگىزەتىنىن انىق. الايدا قانتتىڭ كوڭىل- كۇيدى كوتەرەتىنىن ۇمىتپاڭىز. سوندىقتان اراسىندا ءتاتتى تاعامدار جەپ تۇرعانىڭىز ءجون. مىسالى، قۇرامىندا قانتى كوپ كوكونىس پەن جەمىس- جيدەكتەر.

8. تەلەديداردى كوپ قاراۋ

تەلەديدار الدىنداعى 1 ساعات، ادامنىڭ ءومىرىن 22 مينۋتقا قىسقارتادى. بۇل ينتەرنەت الدىندا وتىراتىن ادامدارعا دا قاتىستى. ءاربىر جارتى ساعات سايىن جاتتىعۋلار جاساپ تۇرىڭىز.

9. از ۇيىقتاۋ

ەرەسەكتەر تاۋلىگىنە 7-8 ساعات ۇيىقتاۋى ءتيىس. ءبىز از ۇيىقتاعان سايىن، اعزامىز قايتا قالپىنا كەلىپ ۇلگەرمەيدى. ماماندار ساعات 22-23 شاماسىندا ۇيىقتاۋعا كەڭەس بەرەدى.

10. ۇيىمداستىرۋشىلىق قابىلەتتىڭ جوقتىعىنان كۇيزەلىسكە ءتۇسۋ

كۇيزەلىس ادام اعزاسىنىڭ جاسۋشالارىنا كەرى اسەرىن تيگىزەدى. اعزا جىلدام قارتايادى. كۇيزەلىس كوپ جاعدايدا ءبىزدىڭ ۇيىمداستىرۋشىلىق قابىلەتىمىزدىڭ جوقتىعىنان تۋىندايدى. سوندىقتان ەشبىر جۇمىستى كەيىنگە قالدىرماي، ۋاقىتىندا ىستەگەنىڭىز ءجون.