ريو وليمپياداسىندا ەڭ كوپ جۇلدە العان 10 سپورتشى

ولاي بولسا، ريو وليمپيادا ويىندارىندا ەڭ كوپ جۇلدەگە يە بولعان سپورتشىلار جايلى بىلە جۇرىڭىزدەر.
وليمپيادا تاريحىندا ەڭ كوپ جۇلدە العان سپورتشى - مايكل فەلپس. ايگىلى جۇزگىش ريودا دا الدىنا جان سالعان جوق. جەكەلەي سىندا 14- مەدالىن يەلەنىپ، ەجەلگى گرەك ءوليمپشىسى لەونيد رودوسسكيدىڭ 2000 جىل بۇرىنعى جەتىستىگىن باسىپ وزدى. برازيلياداعى دودادا ا ق ش قۇراماسىنىڭ قورجىنىنا 5 التىن 1 كۇمىس مەدال سالدى. 100 مەترگە باتتەرفلياي ادىسىمەن جۇزۋدە عانا سينگاپۋرلىق دجوزەف سكۋلينگكە جول بەرىپ الدى. ال ونىڭ ءوزى مايكل فەلپستى ءپىر تۇتاتىنىن جاسىرعان جوق.
مايكل فەلپس - وليمپيادا تاريحىنا اتىن التىن ارىپتەرمەن جازعان سپورتشى. ول 2004 -جىلدان بەرگى وليمپيادا ويىندارىندا جالپى سانى 23 التىن 3 كۇمىس 2 قولا مەدال جەڭىپ العان. ونىڭ جەتىستىگى جاقىن ارادا جاڭارادى دەگەنگە سەنۋ قيىن. ريوداعى دودادان كەيىن سپورتشى مانسابىن اياقتاماق.
ريو وليمپياداسىندا مايكل فەلپستان كەيىن ەڭ كوپ جۇلدە العان سپورتشى - كەتي لەدەكي. ول دا مايكلدىڭ وتانداسى. سۋدا ءجۇزۋ سپورتى بويىنشا 4 التىن 1 كۇمىس مەدال جەڭىپ الدى. لوندوندا 1 التىن 1 كۇمىس يەلەنگەن بولاتىن.
19 جاستاعى سپورتشى مايكل فەلپستىڭ رەكوردىن جاڭارتۋدى ماقسات تۇتادى. ول ريودا 400 مەتر مەن 800 مەترگە ەركىن جۇزۋدە الەم رەكوردىن جاڭارتتى. 400 مەتردى 3 مينۋت 56,46 سەكۋندتا، 800 مەتردى 8 مينۋت 04,79 سەكۋندتا ءجۇزىپ ءوتتى.
ريو جازعى وليمپيادا ويىندارىندا ەڭ كوپ جۇلدە العانداردىڭ ۇشتىگىنە ەنگەن سپورتشى دا - امەريكالىق. ول - سيمونا بايلز. ريودا وليمپيادانىڭ جابىلۋ سالتاناتىندا ا ق ش قۇراماسىنىڭ تۋىن الىپ شىققان سپورتشى. سپورتتىق گيمناستيكادا 4 التىن 1 قولا مەدال يەلەندى.
ريوداعى دودادا ۇزدىكتەردىڭ قاتارىنان تابىلعان سپورتشىلاردىڭ ءبىرى - ۆەنگر قىزى كاتينكا حوسسۋ. سۋدا ءجۇزۋ سپورتى بويىنشا 3 التىن 1 كۇمىس مەدال يەلەندى.
ۆەنگريالىق جۇزگىش ريو- دە- جانەيروداعى وليمپيادا ويىندارىندا 400 مەتر قاشىقتىققا كەشەندى جۇزۋدە الەمدىك رەكوردتى جاڭارتىپ، التىن مەدالعا يە بولدى. ول بۇل قاشىقتىقتىقتى 4 مينۋت 26,36 سەكۋندتا باعىندىردى. وسىعان دەيىن بۇل رەكورد 4 مينۋت 28,43 سەكۋند ناتيجەسىمەن قىتايلىق ە شيۆەنگە تيەسىلى بولىپ كەلگەن ەدى. سونداي- اق كاتينكا 400 مەتر قاشىقتىققا جۇزۋدە دە رەكورد ورناتتى. ول بۇل قاشىقتىقتى 4.26,36 مينۋتتا ءجۇزىپ ءوتتى.
برازيلياداعى باسەكەدە 4 سپورتشى 3 التىننان الدى. ولار - ۋسەين بولت (يامايكا، جەڭىل اتلەت) ، دجەيسون كەنني ( ۇلىبريتانيا، ترەكتەگى ۆەلوسپورت) ، دانۋتا كوزاك (ۆەنگريا، بايداركا مەن كانوەدە ەسكەك ەسۋ) جانە رايان مەرفي (ا ق ش، سۋدا ءجۇزۋ) .
ۋسەين بولت ءۇش وليمپيادادا دا (پەكين، لوندون، ريو) 100, 200 جانە ەستافەتالىق سىندا الدىنا جان سالعان جوق. ناتيجەسىندە 9 رەت وليمپيادا چەمپيونى اتانىپ، ەڭ كوپ جەڭىسكە جەتكەن جەڭىل اتلەتتەر پااۆو نۋرمي (فينليانديا) جانە كارل ليۋيسپەن (ا ق ش) تەڭەستى. ءبىراق ولاردان باستى ايىرماسى، يامايكالىق جەلاياق وليمپيادا ويىندارىندا بىردە- ءبىر رەت جەڭىلگەن جوق. ول 2017 -جىلعى الەم چەمپيوناتىنان كەيىن سپورتتىق مانسابىن اياقتاماق.
دجەيسون كەنني (ترەكتەگى ۆەلوسپورت) ريودان 6 دۇركىن وليمپيادا چەمپيونى بولىپ قايتتى. ناتيجەسىندە وتانداسى كريس حوەمەن كورسەتكىشى تەڭەستى.
ۆەنگريا قۇراماسىنىڭ (8 التىن 3 كۇمىس 4 قولا) جالپى كوماندالىق ەسەپتە 12-ورىن الۋىنا ەڭ كوپ سەپتىگىن تيگىزگەن سپورتشىلاردىڭ ءبىرى - كاتينكا حوسسۋ بولسا، ەكىنشىسى - دانۋتا كوزاك. بايداركا مەن كانوەدە ەسكەك ەسۋدەن دانۋتا ءۇش رەت وليمپ شىڭىنا كوتەرىلدى.
ريودا جۇلدىزى جانعان سپورتشىلاردىڭ ءبىرى - امەريكالىق رايان مەرفي. 21 جاستاعى سپورتشى 100 جانە 200 مەترگە شالقالاي جۇزۋدە وليمپيادا چەمپيونى اتاندى. سونداي- اق 4*100 سىنىندا دا جەڭىس تۇعىرىنان كورىندى.
ريودا ەڭ كوپ جۇلدە العان سپورتشىلاردىڭ وندىعىنا امەريكالىق جۇزگىشتەر مانۋەل سيمەونە (2 التىن 2 كۇمىس) مەن مادلەن ديرادو (2 التىن 1 كۇمىس 1 قولا) ەنىپ وتىر.
massaget.kz