بىرىككەن ۇلتتار ۇيىمىنىڭ باس حاتشىسى لاۋازىمىنا ۇمىتكەرلەر سانى 10 عا دەيىن ازايدى
بۇعان دەيىن داۋىس بەرۋدىڭ العاشقى راۋندىندا ءوز كانديداتۋراسىنا قارسى 11 داۋىس جيناعان حورۆاتيانىڭ بۇرىنعى سىرتقى ىستەر ءمينيستىرى ۆەسنا پۋسيچ تە ۇمىتكەرلىكتەن باس تارتىپ ەدى، دەپ حابارلادى ۋترو. رۋ.
بىرىككەن ۇلتتار ۇيىمىنىڭ باس حاتشىسىن سايلاۋدىڭ ءۇشىنشى راۋندى 29 - تامىز كۇنى وتەدى. مىقتى ۇمىتكەرلەر قاتارىندا 2015 - جىلعا دەيىن ب ۇ ۇ بوسقىندار ءىسى بويىنشا جوعارعى كوميسسارى بولعان پورتۋگاليانىڭ بۇرىنعى پرەمەرى انتونيۋ گۋتەرريش جانە سلوۆەنيانىڭ بۇرىنعى پرەزيدەنتى دانيلو تيۋرك بار.
جاڭا جىلدان باستاپ ب ۇ ۇ باسشىسىنىڭ ورنى بوسايدى - قازىرگى باس حاتشى پان گي مۋن ءوزىنىڭ ەكىنشى بەسجىلدىق مەرزىمىن اياقتايدى جانە 2017 -جىلدىڭ 1 - قاڭتارىندا ورنىن بوساتادى. ب ۇ ۇ باس حاتشىسىن قاۋىپسىزدىك كەڭەسىنىڭ ۇسىنىسىمەن ب ۇ ۇ باس اسسامبلەياسى تاعايىندايدى. ناقتى كانديدات قازان ايىندا انىقتالۋى ءتيىس.
