13:14, 12 - تامىز 2016 | GMT +5
تۇرمەدەگى جارىلىس: 10 جازاسىن وتەۋشى اجال قۇشتى
استانا. قازاقپارات - فيليپپيندەگى تۇرمەدە گراناتا جارىلعان كەزدە ون جازاسىن وتەۋشى قازا تاپتى.

وقيعا مانيلا استاناسىنىڭ وڭتۇستىگىنە قاراي ورنالاسقان پاراناك قالاسىنداعى پەنيتەنتسيارلىق مەكەمەدە ورىن الدى. گراناتا جازاسىن وتەۋشىلەردى باسقا تۇرمەگە اۋىستىرۋعا قاتىستى كەلىسسوز ءوتىپ جاتقان كەزدە جارىلدى، - دەپ جازدى Straits Times گازەتى.
الدىن الا دەرەكتەرگە سۇيەنسەك، جازاسىن وتەۋشىلەر قاشۋدى ۇيىمداستىرۋ ءۇشىن كەلىسسوز بولىپ جاتقان ۋاقىتتى پايدالانۋى ىقتيمال. وقيعا ورنىندا باستاپقىدا اتىس بولىپ، ارتىنشا گراناتا جارىلعان. سالدارىنان سەگىز ادام قازا تاۋىپ، ءبىر ادام العان جاراقاتىنان اۋرۋحانادا كوز جۇمدى.
مەرت بولعاندار - ەسىرتكىنىڭ زاڭسىز اينالىمى تۋرالى باپپەن جازاسىن وتەپ جاتقاندار. اسسوشيەيتەد پرەسس اگەنتتىگىنىڭ اقپاراتىنا سايكەس قازا تاپقانداردىڭ ەكەۋى - كريمينالدىق ورتادا اتىشۋلى قىتايلىق ەسىرتكى تاسىمالداۋشىلار.