عالىمدار: قىتايلاردىڭ بويى ءبىر عاسىردا 10 سانتيمەترگە وسكەن

استانا. قازاقپارات - قىتايلاردىڭ بويى سوڭعى ءبىر عاسىردا 10 سانتيمەترگە ءوسىپ، سالماعى ارتقان.

مۇنداي دەرەكتەر 1896 جانە 1996 -جىلدار ارالىعىندا جۇرگىزىلگەن ستاتيستيكالىق ەسەپتەن الىنىپتى.

بۇل تۋرالى 24.kz حابارلايدى.

بۇل زەرتتەۋدىڭ باس كەزىندە قىتايداعى ەرلەردىڭ بويى شامامەن 160 س م، ال ايەلدەردىڭ بويى 150 س م بولعان ەكەن. ال بۇگىندە مۇنداعى ەرلەردىڭ بويى 171,8 س م، ال ايەلدەردىڭ بويى 160 سانتيمەترگە جەتىپتى. ءسويتىپ، قىتايلاردىڭ بويى سوڭعى ءبىر عاسىردا 10 سانتيمەترگە وسكەن.

عالىمداردىڭ پىكىرىنشە، بۇعان قىتايلاردىڭ اس مازىرىنە ءسۇت جانە ءسۇت ونىمدەرىن ەنگىزىپ، تاماققا پايدالانۋى سەبەپ بولعان. ويتكەنى بۇل ونىمدەر سۇيەكتىڭ ءوسۋى مەن قاتايۋىنا مول سەپتىگىن تيگىزەدى. سونداي-اق ەلگە ءتۇرلى گازدالعان سۋسىندار مەن فاستفۋدتىڭ كەلۋى قىتايلاردىڭ تولىسۋىنا تىكەلەي اسەر ەتكەن.