20:38, 12 - شىلدە 2016 | GMT +6
شەكارادان 10 مىڭ ا ق ش دوللارىن زاڭسىز وتكىزبەك بولعان قازاقستاندىق ۇستالدى
استانا. قازاقپارات - قازاقستان مەن وزبەكستان شەكاراسىنداعى و ق و- داعى «جەتىساي» باقىلاۋ-وتكىزۋ بەكەتىندە باقىلاۋ كەزىندە شەكاراشى-باقىلاۋشى قازاقستاننان وزبەكستانعا بارا جاتقان «Volvo» كولىگى جۇرگىزۋشىسىنىڭ قوبالجىعان كۇيىن بايقاپ قالدى.
ول مۇنى شەكارا جاساعىنىڭ اعا قىزمەتكەرىنە ايتتى.
ق ر ۇ ق ك ش ق باسپا ءسوز قىزمەتىنەن حابارلاعانداي، «جەتىساي» باقىلاۋ-وتكىزۋ بەكەتى باستىعىنىڭ بۇيرىعىمەن 1983-جىلى تۋعان ق ر ازاماتىن تەكسەردى. وسىلايشا قۇجاتتار بولعان پاپكادان 10000 ا ق ش دوللارى، 30000 تەڭگە، 300000 وزبەكستاندىق سوم كولەمىندە ماعلۇمدالماعان (دەكلاراتسيالانباعان) اقشا تابىلدى.
ەر ادام ماعلۇمدالماعان (دەكلاراتسيالانباعان) اقشا ءۇشىن ۇستالدى، اتالعان فاكت تۋرالى قۇقىق قورعاۋ ورگاندارىنا ايتىلدى.