17:07, 30 - ماۋسىم 2016 | GMT +6
اقمولالىقتار بيىل 10 ميلليون تەڭگەگە ەرەكشە كولىك ءنومىرىن ساتىپ العان
كوكشەتاۋ. قازاقپارات - اقمولالىقتار جىل باسىنان بەرى كولىكتەرىنە قۇنى 10 ميلليوننان استام تەڭگەنىڭ vip ءنومىرىن ساتىپ العان. بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.
پوليتسەيلەردىڭ دەرەگى بويىنشا بيىلعى جىلدىڭ باسىنان بەرى وبلىستا 10 ميلليوننان استام تەڭگەگە 30 جۇپ vip ءنومىر اۆتوكولىك يەلەرىنە بەرىلگەن. ولاردىڭ ىشىندە 777 ساندارى بار 4 جۇپ ءنومىر، 333، 111 جانە 999 ساندارى بار ءۇش ءۇش جۇپتان نومىرلەر ساتىلدى.
ەسكە سالا كەتەيىك، 2014 -جىلدان باستاپ ەلىمىزدە سۇرانىس جوعارى تىركەۋ vip- نومىرلەردى بەرۋ ءتاريفى بەكىتىلدى. سۇرانىس جوعارى 001، 002، 003، 004، 005، 006، 007، 008، 009، 777 سەريالارىنىڭ قۇنى 422 مىڭ تەڭگەدەن استام. ال، 100، 111، 200، 222، 300، 333، 400، 444، 500، 555، 600، 666، 700، 800، 888، 900، 999 ساندارى بار نومىرلەر اۋەسقويلار ءۇشىن 253 مىڭ تەڭگەدەن اسادى.
اۆتور: اسلان وسپانوۆ