بيىلعى جىلى «سامۇرىق- قازىنا» «نۇرلى جول» باعدارلاماسى اياسىندا 10 مىڭ پاتەردىڭ قۇرىلىسىن قارجىلاندىرادى
بۇل تۋرالى بۇگىن «سامۇرىق- قازىنا» جىلجىمايتىن مۇلىك» ا ق باسقارما ءتوراعاسى باۋىرجان مامىتاليەۆ ءمالىم ەتتى.
«بيىل جىلجىمايتىن مۇلىك قورى «نۇرلى جول» باعدارلاماسىن ىسكە اسىرۋعا كىرىسەدى. بۇرىن قور بۇل باعدارلامانىڭ وپەراتورى بولعان جوق ەدى»، - دەدى ب. مامىتالييەۆ.
ونىڭ ايتۋىنشا، بيىل اقپان ايىندا ق ر پرەزيدەنتى ۇكىمەتتىڭ كەڭەيتىلگەن وتىرىسىندا ەكونوميكاداعى اۋىر كەزەڭدەرگە بايلانىستى جەكە قۇرىلىس سالۋشىلاردى قولداۋ باعدارلاماسى ارقىلى قۇرىلىس سالاسىنا جان ءبىتىرۋدى تاپسىرعان بولاتىن. وسى ماقساتتارعا جىلجىمايتىن مۇلىك قورىنا 97 ميلليارد تەڭگە ءبولىندى.
قارجى 10 جىلدىق مەرزىمگە دەيىن بەرىلمەك.
«جىلجىمايتىن مۇلىك قورى تۇرعىن ءۇي قۇرىلىسىن جۇرگىزۋدى قۇرىلىس كومپانيالارىمەن مەملەكەتتىك- جەكە مەنشىك سەرىكتەستىك پرينتسيپتەرى بويىنشا ۇيىمداستىرادى. ولارعا 24 اي ىشىندە جوبا اياسىندا سالىنعان پاتەرلەردىڭ بارلىق پۋلىن ساتۋعا قۇقىق بەرىلەدى. ەگەر جوبا ۋاقىتىندا بىتپەسە، اتالعان نىسان قوردىڭ يەلىگىنە 20 پايىزدىق جەڭىلدىكپەن بەرىلەدى»، - دەيدى ب. مامىتاليەۆ.
نىساندى ساپالى ءارى مەرزىمىندە اياقتاي العان قۇرىلىس كومپانيالارى جاڭا جوبالارعا تاپسىرىس الا الادى. وسىلايشا، «نۇرلى جول» باعدارلاماسى اياسىندا سالىناتىن تۇرعىن ۇيلەردىڭ ۋاقىتىلى پايدالانۋعا بەرىلۋىنە جانە جاڭا جۇمىس ورىندارىنىڭ اشىلۋىنا مۇمكىندىكتەر جاسالىپ وتىر.
سونىمەن قاتار، قۇرىلىس كومپانيالارىنا جاڭا تالاپتار ەنگىزىلگەن. ولاردىڭ يەلىگىندە ينجەنەرلىك كوممۋنيكاتسيالىق ينفراقۇرىلىمى بار جەر تەلىمى، ساراپتاما جاسالعان جوبالىق- سمەتالىق قۇجاتتاماسى مەن 20 پايىز قارجىلىق ۇلەسى بولۋى شارت.
«سامۇرىق- قازىنا» جىلجىمايتىن مۇلىك» ا ق بيىلدىڭ وزىندە «نۇرلى جول» باعدارلاماسى اياسىندا جالپى كولەمى 490 مىڭ شارشى مەتر بولاتىن 10 مىڭ پاتەردىڭ قۇرىلىسىن قارجىلاندىرادى»، - دەپ اتاپ ءوتتى ول.
اۆتور: جاسۇلان جولدىبايەۆ
