يۆان ساۋەر: 10 سوتىق جەردى ساتۋ ءۇشىن ەمەس، جەكە تۇرعىن ءۇي سالۋعا مۇقتاج ادامدارعا بەرۋ قاجەت

كوكشەتاۋ. قازاقپارات - جەر رەفورماسى بويىنشا كوميسسيانىڭ مۇشەسى، «رودينا» اگروكومپانياسىنىڭ باسشىسى يۆان ساۋەر 10 سوتىق جەردى ساتۋ ءۇشىن ەمەس، جەكە تۇرعىن ءۇي سالۋعا مۇقتاج ادامدارعا بەرۋدى ۇسىندى.

«سەلينوگراد اۋدانىنىڭ تۋماسى رەتىندە 10 سوتىق جەردى قوزعاماۋدى ءجون كورمەدىم. بولار ءىس بولدى. ۇكىمەت دۇرىس شەشىم شىعاردى. بارلىعى استانا، الماتى جانە وبلىس ورتالىعىندا تۇرعىسى كەلەدى. كەي جەرلەردە جەردىڭ باعاسى قىمبات، كەي جەرلەردە ءتىپتى، سۇرانىس جوق. سوندىقتان، ءتيىستى 10 سوتىق جەردى ساتۋ ءۇشىن ەمەس، جەكە تۇرعىن ءۇي سالۋعا مۇقتاج ادامدارعا بەرگەن دۇرىس»، دەدى ي. ساۋەر.

ول مۇنداي قادامنان ەشكىم ۇتىلمايتىنىن ايتىپ، تەك، قاتاڭ باقىلاۋ جاساپ وتىرۋ قاجەتتىگىن ەسكە سالدى.

- الىپ ساتارلىققا جول بەرىلمەۋى ءتيىس، - دەدى ي. ساۋەر.

اۆتور: اسلان وسپانوۆ