ا ق ش ازاماتى ك ح د ر- دا تىڭشىلىق جاساعانى ءۇشىن 10 جىلعا سوتتالدى

دەپ حابارلادى ت ا س س.
امەريكا ازاماتى ك ح د ر- نىڭ سولتۇستىك- شىعىسىنداعى راسون ساۋدا- ەكونوميكالىق ايماعىندا ۇستالدى. ول مۇندا كاسىپكەرلىك جانە قايىرىمدىلىق قىزمەتكە قاتىسۋ سىلتاۋىمەن جۇرگەن. ول وڭتۇستىك كورەيا بارلاۋ قىزمەتىنىڭ تاپسىرماسى بويىنشا ك ح د ر- دا سونىڭ ىشىندە اسكەري سيپاتتاعى اقپاراتتى جيناۋمەن اينالىسىپ، تۇرعىندار اراسىنداعى كوڭىل كۇي، ازىق- تۇلىك بازارلارىنداعى جاعداي تۋرالى مالىمەتتەردى جىبەرىپ وتىرعان.
كيم دون چحول ك ح د ر- عا قارسى جان تۇرشىگەرلىك قىلمىستار جاساعانىن، سونىڭ ىشىندە پحەنيانعا قارسى ناسيحات جۇرگىزگەنىن مويىنداپ، كەشىرىم سۇرادى جانە وزىنە جۇمساقتىق تانىتۋدى سۇرادى.
پروكۋرور بارىنشا قاتال ۇكىم شىعارۋدى تالاپ ەتتى. سوت چحولدىڭ تەرگەۋگە كومەكتەسكەنىن، سوتتالۋشىنىڭ شىن جۇرەكتەن وكىنگەنىن جانە ونىڭ جاسىن ەسكەردى.
كيم دون چحول 19 جاسقا دەيىن سەۋلدا تۇرعان، ودان كەيىن ۆيردجينيا شتاتىنا كوشىپ، وندا جوعارى ءبىلىم الىپ، ا ق ش ازاماتىعىنا قول جەتكىزگەن.