الماتى وبلىسىندا 10 ءسۇت- تاۋارلىق فەرما سالىنادى - ا. باتالوۆ
بۇل تۋرالى بۇگىن «مەملەكەت باسشىسىنىڭ 5 ينستيتۋتتىق رەفورماسىن جۇزەگە اسىرۋ بويىنشا 100 ناقتى قادام» ۇلت جوسپارىن جۇزەگە اسىرۋ ماسەلەلەرىنە ارنالعان باسپا ءسوز ءماسليحاتى بارىسىندا اتالعان ءوڭىردىڭ باسشىسى اماندىق باتالوۆ ءمالىم ەتتى.
ۇلت جوسپارىنىڭ 60-قادامى اۋىلدا كووپەراتسيانى دامىتۋ ارقىلى ءسۇت ءوندىرۋ جانە وڭدەۋگە ستراتەگيالىق ينۆەستورلار تارتۋدى كوزدەيتىندىگىن ايتقان ءوڭىر باسشىسى: «وبلىستا 680 مىڭ توننا ءسۇت وندىرىلەدى. ونىڭ 85 پايىزى جەكە اۋلا شارۋاشىلىقتارىنا تيەسىلى جانە ءسۇت زاۋىتتارى ساپالى شيكىزات تاپشىلىعىنا تاپ بولۋدا»، - دەدى.
اكىم دەرەگىنە سايكەس وبلىستا بۇل سالادا «FoodMaster» جانە «Danone» ەكى ترانسۇلتتىق كومپانيالار جۇمىس جاسايدى. الاكول اۋدانىندا «قايىڭدى» ج ش س- مەن بىرگە 2,4 مىڭ باسقا زاماناۋي ءسۇت- تاۋارلىق فەرمالارىنىڭ قۇرىلىسىنا جانە قۋاتى تاۋلىگىنە 100 توننا بولاتىن ءسۇت وڭدەۋ زاۋىتىنىڭ قۇرىلىسىنا گەرمانيادان «Agrial» ينۆەستورى تارتىلعان. قازىرگى ۋاقىتتا بەس گەكتاردا الاڭ دايىندالدى، قۇرالدار مەن ءىرى قارا مال جەتكىزۋشىلەرىمەن كەلىسسوزدەر جۇرگىزىلدى.
«ىرىس» باعدارلاماسى بويىنشا 1000 باسقا 9 س ت ف قۇرۋ جوسپارلانۋدا، ونىڭ بىرەۋى بەلورۋسسيالىق «ستروياگرو» كومپانياسىنىڭ جوباسى بويىنشا كوكسۋ اۋدانىندا «جەتىسۋ» ا ك ك» ۇك» ا ق- نىڭ قاتىسۋىمەن قۇرىلادى. بارلىعى 10 ءسۇت- تاۋارلىق فەرما سالىنادى»، - دەدى ا. باتالوۆ.
سونىمەن قاتار ونىڭ اتاپ وتۋىنشە، ىلە اۋدانىندا اۋىل شارۋاشىلىعى مينيسترلىگىنىڭ باستاماسى بويىنشا 24 شارۋا قوجالىعىن بىرىكتىرگەن 1480 باسقا كووپەراتيۆ قۇرىلدى. قاراتال اۋدانىندا «ۇشتوبە ايدىن» ءسۇت زاۋىتىنىڭ اينالاسىندا التى ءسۇت قابىلداۋ پۋنكتتەرى اشىلدى، ولارمەن 30 شارۋاشىلىق جۇمىس جاسايدى.
«ناتيجەسىندە ۇيىمداستىرىلعان شارۋاشىلىقتاردان شيكىزاتتى جەتكىزۋ 15-تەن 20 پايىزعا ارتتى، ءسۇت ءوندىرىسى - 8,3 مىڭ تونناعا ارتىپ، 688,2 مىڭ تونناعا جەتتى، ءسۇت زاۋىتتارىن جۇكتەۋ - 75-تەن 81 پايىزعا ءوستى»، - دەدى ءوڭىر باسشىسى.
اۆتور: مارلان جيەمباي
