جويىلىپ كەتۋ قاۋپىندەگى 10 تۇركى تىلدەرى تۋرالى ق ر عالىمدارىنىڭ دەرەكتەرى گوللاندياداعى ينستيتۋتتا ساقتالادى
بۇل تۋرالى ل. ن. گۋميليەۆ اتىنداعى ە ۇ ۋ تۇركىتانۋ كافەدراسىنىڭ پروفەسسورى ساۋلە تاجىبايەۆا ۇلىسارالىق قاتىناستار جانە ەتنوساياساتقا ارنالعان سەمينار-ترەنينگى سىرتىندا ايتتى.
«قازىر الەمدە 40 تان استام تۇركى ۇلىسى بار، ولاردىڭ 25 ءى - قازاقستاندا. 10 عا جۋىق تۇركى ءتىلى جوعالىپ كەتۋ قاۋپىندە. عالىمداردىڭ، ق ح ا وكىلدەرىنىڭ كۇشىمەن ءبىز ماڭىزدى عىلىمي مالىمەتتەردى جيناپ، جوعالىپ بارا جاتقان ەتنوستار ءتىلىن قۇجاتتاندىرىپ، ولاردى ۇرپاقتار ءۇشىن ساقتاپ قويامىز. جيناقتالعان بارلىق دەرەكتەردى قۇجاتتاپ، عىلىمي تۇردە مۇراعاتتاپ، گوللاندياداعى ماكس پلانك ينستيتۋتىندا ساقتايمىز»، - دەدى ول.
پروفەسسوردىڭ ايتۋىنشا، سوڭعى حالىق ساناعى بويىنشا قازاقستاندا 218 قارايىم، 25 قىرىمشاق، 96 شورلىق، 37 تۋۆالىق، حاكاس، چۋۆاش جانە ت. ب. بار.
«ولاردىڭ تىلدەرى جوعالىپ كەتكەن سانالادى. سوندىقتان ماتەريالدى عىلىمي تالداۋ وتە ماڭىزدى. بۇل تەك ءبىزدىڭ ەلگە عانا ەمەس، الەمدىك تۇركىتانۋ قوعامداستىعى ءۇشىن وراسان قۇندىلىق بولادى»، - دەپ قوستى س. تاجىبايەۆا.
