پايدالانباي جاتقان جەردىڭ سالىعىن 10 ەسە ارتتىرامىز - ن. ابدىبەكوۆ
بۇل تۋرالى ايماقتىق ورتالىق كوممۋنيكاتسيالار قىزمەتىنىڭ بريفينگىسىندە قاراعاندى وبلىسىنىڭ اكىمى نۇرمۇحامبەت ابدىبەكوۆ ءمالىم ەتتى.
«100 ناقتى قادام» ۇلت جوسپارىن جۇزەگە اسىرۋ اياسىندا جەر قاتىناستار سالاسىنا ەرەكشە كوڭىل اۋدارىلادى. 2016 - جىلدىڭ باسىنان بەرى جەر قورىن پايدالانۋ ءۇشىن 210,9 مىڭ گەكتار جەر قورى اينالىمعا ەنگىزىلدى. اقتوعاي، بۇقار جىراۋ، نۇرا، قارقارالى اۋداندارى مەن تەمىرتاۋ جانە جەزقازعان قالالارىندا اۋىل شارۋاشىلىعىنا ارنالعان، ءبىراق، پايدالانباي جاتقان جەرلەردىڭ سالىعى 10 ەسەگە كوبەيدى»، - دەپ حابارلادى وبلىس اكىمى.
سونداي- اق، ن. ابدىبەكوۆ ءمالىم ەتكەندەي، 290 مىڭ گەكتار اۋماقتى الىپ جاتقان 370 جەر ۋچاسكەسى اۋكسيونعا تۇسەدى. دايىندىق شارالارى ءۇشىن 25,4 ميلليون تەڭگە بولىنگەن. جەرلەر وسى جىلدىڭ شىلدەسىنەن باستاپ ساتىلا باستايدى.
«بۇگىنگى تاڭدا 5 جەر يگەرۋشى اۋىل شارۋاشىلىعى ماقساتىنداعى ارەندالىق جەرلەردى جەكەمەنشىككە الۋ تۋرالى ءوتىنىش بەردى»، - دەپ حابارلادى اكىم.
اۆتور: كەنجەكەي توقتامۇرات قىزى
