ءمىنسىز ايەل بولۋدىڭ 10 جولى
1. ءجيى دۇعا ەتىڭىز.
قۇلشىلىق پەن دۇعا - تەك وتباسىندا عانا ەمەس، بارلىق ىسىڭىزدە بەرەكە مەن ساتتىلىككە الىپ باراتىن بىردەن ءبىر جول. يمانى بەرىك ادامعا شايتان جولاي المايدى. ال شايتاننىڭ ەڭ سۇيىكتى ءىسى - ەرلى- زايىپتىلاردى ۇرىستىرۋ ەكەنى بەلگىلى.
2. كۇيەۋىڭىزدى سىيلاڭىز.
اللانىڭ رازىلىعىن كۇيەۋىڭىزدىڭ رازىلىعىنان تاباسىز. ەر ادامعا قارسى شىعىپ، ونى تومەندەتىپ، ەركەكتىك نامىسىنا ءتيىپ وتباسىلىق باقىتقا ەشقاشان جەتە المايسىز.
3. كۇيەۋىڭىزگە قولداۋ كورسەتە ءبىلىڭىز.
كەز كەلگەن ماسەلەدە جار عانا ەمەس، ارقا سۇيەر سىرلاس دوسى، اقىلشىسى ءارى جاناشىرى بولىڭىز.
4. ادەمى بولىپ ءجۇرىڭىز.
ءوز- وزىڭىزگە كوڭىل ءبولىپ، ايەلگە ءتان نازىكتىگىڭىز بەن سۇلۋلىعىڭىزدى جوعالتىپ الماڭىز.
5. شۇكىرشىلىك ەتىڭىز.
ەرىنىڭ تاپقان تابىسىنا ۇنەمى كوڭىلى تولماي، «جوقتى» ايتا بەرەتىن ايەلدى ەركەك ۇناتپايدى. سوندىقتان اللانىڭ بەرگەن ريزىق- نەسىبەسىنە شۇكىرشىلك ەتىپ، قولداعى باردى قاناعات تۇتىڭىز.
6. كۇلىمدەپ ءجۇرىڭىز.
ءارقاشان كۇلىمدەپ جۇرۋگە تىرىسىڭىز. اسىرەسە جارىڭىز جۇمىستان شارشاپ كەلگەندە جىلى جۇزبەن قارسى الىڭىز.
7. ءۇي شارۋاسىنا ۇقىپتى بولىڭىز.
تازا ءۇي، ءدامدى اس پەن تاپ- تۇيناقتاي بالالار ءۇيدىڭ بەرەكەسىن كىرگىزەدى.
8. اشۋعا جول بەرمەڭىز.
تۇسىنىستىك پەن رەنىش تۋا قالسا، سابىرلىلىق تانىتىپ، اشۋىڭىزدى اقىلعا جەڭە ءبىلىڭىز.
9. كەشىرىمدى بولىڭىز.
بولماشى نارسەگە رەنجىپ، ونى ايلاپ، جىلداپ ىشىڭىزدە «جيناپ» جۇرمەڭىز. بولعان نارسەنى تەز ۇمىتىپ، وڭاي كەشىرە ءبىلىڭىز.
10. قايىنجۇرتىڭىزبەن تاتۋ بولىڭىز.
كەيبىر وتباسىلارداعى ۇرىس- كەرىس ءدال وسى «مەنىڭ انام، سەنىڭ اناڭ» دەگەننەن تۋىندايدى. سوندىقتان اتا-ەنەڭىزدى، اعا، اپكەلەرىڭىزدى بارىنشا سىيلاپ، ولارمەن جاقسى قارىم- قاتىناستا بولىڭىز.
