قاراعاندىدا ساۋدا ۇيىندەگى 10 ميلليون تەڭگەلىك التىن بۇيىمدار ۇرلاندى - فوتو
قىلمىس 29 -ناۋرىزعا قاراعان ءتۇنى جاسالعان.
«بەلگىسىز بىرەۋلەر «الەم» ساۋدا ۇيىنە كىرىپ، التىن بۇيىمدار مەن پارفيۋمەريالىق ونىمدەر ساتاتىن 10 دۇڭگىرشەكتى توناپ كەتكەن. فاكتى ءبىرىڭعاي سوت الدى تەرگەۋ تىزىلىمىنە تىركەلدى. تەرگەۋ جۇرگىزىلۋدە. ءى ءى د باسشىلىعى تاجىريبەلى قىزمەتكەرلەردەن قۇرالعان جەدەل ىزدەستىرۋ توبىن قۇردى»، دەپ حابارلادى ءى ءى د باسپا ءسوز قىزمەىنىڭ باسشىسى ب. قۇدياروۆ.
الدىن الا نۇسقا بويىنشا، قىلمىسكەرلەر شىنى كىرەبەرىس ەسىكتى سىندىرىپ كىرگەن. زارداپ شەككەن كاسىپكەرلەردىڭ ايتۋىنشا، ساۋدا ۇيىندە دابىل بەلگىسى ىسكە قوسىلماعان، عيماراتتا ءبىر عانا كۇزەتشى بولعان.
پوليتسيا كۇزەت قىزمەتكەرىن ىزدەۋدە. ونىڭ تاعدىرى ازىرگە بەلگىسىز. شىعىن سوماسى انىقتالىپ جاتىر. ساتۋشىلاردىڭ ءبىرى ونىڭ 10 ميلليون تەڭگەلىك التىن بۇيىمدارى ۇرلانعانىن ايتتى.
«ەشتەڭە بىلمەيمىز. ىشكە پوليتسيامەن كىرىپ- شىقتىق. سەيف اشىق، بارلىق زاتتاردى پلانشەتپەن بىرگە الىپ كەتكەنىن كوردىك»، - دەدى جابىرلەنۋشى.
