جان، مىنەز تاربيەسىنە بايلانىستى 10 وسيەت
ادامدار عىلىمعا قاراعاندا، تاربيەگە كوبىرەك مۇقتاج.
سەن ءۇشىن جاقسى جانە ناشار ادام تەڭ بولماسىن. ايتپەگەندە، جاقسىسىنىڭ يگى ىستەرگە دەگەن قۇلشىنىسى جوعالىپ، ناشارى ودان دا تومەن ارەكەتتەر جاسايتىن بولادى.
از بەرگەندىگىڭنەن ۇيالما. ەشتەڭە بەرمەۋ - ودان دا از.
ءتىلىڭنىڭ وتكىرلىگىن (شەشەندىگىن) ساعان سويلەۋدى ۇيرەتكەن اناڭا جۇمساما.
سەن - اۋزىڭنان شىقپاعان سوزدەرىڭنىڭ قوجايىنىسىڭ. ايتىپ بولعاننان كەيىن، ولار - سەنىڭ قوجايىنىڭ.
ادامعا بايلىعى مەن دەنساۋلىعىنا ارقا سۇيەۋدىڭ قاجەتى جوق. دەنى ساۋ كەز كەلگەن ۋاقىتتا اۋىرىپ قالا الادى، ال باي ءبىر ساتتە كەدەيلەنۋى مۇمكىن.
ءبىلىمسىز جاسالعان قۇلشىلىقتا، تۇسىنىك جوق بىلىمدە قايىر جوق.
اقىلسىزدىقپەن باستالىپ، وكىنۋمەن اياقتالاتىن اشۋدان ساقتانىڭىزدار.
جۇرەك تازا بولعاندا عانا تىلدەن وڭدى ءسوز شىعادى.
ەڭ ۇلكەن بايلىق - اقىل. ەڭ ۇلكەن كەدەيلىك - اقىماقتىق. ەڭ جامان جابايىلىق - وزىڭە ءتانتى بولۋ. ەڭ كەرەمەت جومارتتىق - كوركەم مىنەز.
«الاش ايناسى»
