قۇنى 10 دوللارلىق «نوۋتبۋك» شىعارىلدى - فوتو

استانا. قازاقپارات - Razer كومپانياسى Razer Blade Stealth گەيمەرلەرگە ارنالعان لەپتوپىنىڭ اتاۋىمەن ۇندەس Blade Stealth Notebook اتتى قويىن داپتەرىن شىعاردى.

شىن مانىندە ادەمى قويىن داپتەر كورگەندەرگە سىرتتاي پورتاتيۆتىك كومپيۋتەرگە ۇقسايدى. «نوۋتبۋكتىڭ» ءىشىن اشساڭ قاعاز پاراقشالارىن كورەسىڭ. ءوندىرۋشى «notebook» ءسوزىنىڭ ماعىناسىن شىنايى ءمانىن ەسكە تۇسىرگىسى كەلگەن سەكىلدى.

slashgear.com سايتىنىڭ جازۋىنا قاراعاندا، Razer باسشىسى جاڭا ءونىم تۋرالى تەك فەيسبۋكتەگى پاراقشاسىندا قىسقا جازبا قالدىرعان.

Razer Blade Stealth قۇرىلعىسىنىڭ ناعىز برەند نۇسقاسى وتە جىلدام جۇمىس ىستەيتىن قۇرىلعى، ونىڭ باعاسى كەمىندە 1 مىڭ دوللار تۇرادى.