ارىپتەسىن سوققىعا جىققان وليمپيادا چەمپيونى 10 جىلعا سپورتتان شەتتەتىلدى

استانا. قازاقپارات - اۋىر اتلەتيكادان وليمپيادا چەمپيونى سا دجە حەكتى وڭتۇستىك كورەيانىڭ اۋىر اتلەتيكا فەدەراتسياسى (KWF) وزگە زىلتەمىرشىنى سوققىعا جىققانى ءۇشىن 10 جىلعا سپورتتىق جارىستارعا قاتىسۋ قۇقىنان ايىردى.

30 جاستاعى سا دجە حەك 31 - جەلتوقساندا ەلدىڭ سولتۇستىك شىعىسىنداعى چحۋنچحون قالاسىنداعى باردا 21 جاستاعى حۆان ۋ مانعا شابۋىل جاساعاندىعى ءۇشىن ايىپتالدى. زارداپ شەككەن ازاماتتىڭ العان جاراقاتى جەڭىل ەمەس جانە جاتتىعۋعا تەك التى اپتادان كەيىن عانا ورالا الادى.

سا دجە حەك تەرگەۋ بارىسىندا ءوزىنىڭ كىناسىن مويىنداعان.

 سپورتشى 2008 -جىلعى بەيجىڭ وليمپياداسىندا 77 سالماق دارەجەسىندە جەڭىس تۇعىرىنا كوتەرىلگەن. بۇدان باسقا سا دجە حەك 2011 -جىلعى الەم چەمپيوناتىندا قولا مەدال ەنشىلەگەن بولاتىن، دەپ جازادى لەنتا. رۋ.