جاڭا جىل جايلى 10 قىزىقتى دەرەك
سوندىقتان، بۇل مەرەكە جايلى ءبارىن بىلەمىن دەپ ويلاۋىڭىز مۇمكىن.
الايدا، جاڭا جىل جايلى قىزىقتى دەرەكتەر بار. BNews.kz اگەنتتىگى نازارلارىڭىزعا ۇسىنىپ وتىرعان بۇل فاكتىلەر ءسىزدى دە تاڭعالدىرارى ءسوزسىز.
1. شىرشانى بەزەندىرۋ سالتى XVII عاسىردا باستالعان. تاريحشىلاردىڭ ايتۋىنشا، ەڭ العاش رەت شىرشا سول كەزدە گەرمانيانىڭ ءبىر بولىگى بولعان ەلزاستا بەزەندىرىلىپتى. ءتۇرلى-ءتۇستى قاعازدان جاسالعان راۋشان گۇلدەر، الما، قانت بولىكتەرى مەن جىلتىر قاعازدار شىرشانى اسەمدەۋ قۇرالى بولعان.
2. بۇگىندە جاڭا جىلدىق شىرشانىڭ شىنى ويىنشىقتارى ءارقايسىمىزعا جاقسى تانىس. الەمدەگى ەڭ العاشقى شىنى ويىنشىق XVI عاسىردا ساكسونيادا جاسالىپتى. ال ءدال وسى ويىنشىقتى جاپپاي ءوندىرۋ ⅩⅨ عاسىردا عانا قارقىن الا باستاعان.
3. ءتۇرلى- ءتۇستى كىشكەنتاي شامداردان تۇراتىن ەلەكترلى گيرلياندىمەن ەڭ العاش رەت 1895 -جىلى ا ق ش- تاعى اق ءۇي جانىنداعى شىرشا بەزەندىرىلگەن.
4. ەجەلگى ريمدە جاڭا جىلدى ناۋرىز ايىندا قارسى العان. سەبەبى، ءدال وسى ۋاقىتتا العاشقى ەگىن جۇمىستارى باستالاتىن بولعان. الايدا، ب. ز. د. 46 -جىلى يۋلي سەزار جىل باسىن 1 -قاڭتارعا اۋىستىرىپ، ناتيجەسىندە «يۋلي كۇنتىزبەسى» بۇكىل ەۋروپاعا تارالدى.
5. ال ەسكيموستەر جاڭا جىلدى العاشقى قار جاۋعان كۇنى قارسى الادى.
6. كۋبادا جاڭا جىلدا بارلىق ىدىستارعا سۋ تولتىرىلىپ، جاڭا جىل تۇنىندە ونى دالاعا توگەدى. بۇل بار كۇنا جۋىپ- شايىلسىن دەگەن نانىممەن جاسالاتىن ءداستۇر. كۋبادا جاڭا جىل پاتشالار كۇنى دەپ اتالادى.
7. تيبەتتە جاڭا جىل كۇنى جەرگىلىكتى حالىق ءبالىش ءپىسىرىپ، ونى وتكەن- كەتكەن ازاماتتارعا تاراتادى. مۇندا جاڭا جىلدا كەلەتىن تابىس پەن مولشىلىق تاراتىلعان ءبالىش سانىنا بايلانىستى بولادى دەگەن سەنىم قالىپتاسقان.
8. 1843 -جىلى لوندوندا ەڭ العاشقى جاڭا جىلدىق قۇتتىقتاۋ حات دايىندالعان. سول ۋاقىتتان بەرى تەك جاڭا جىلدا عانا ەمەس، ءار مەرەكەدە ارنايى بەزەندىرىلگەن قۇتتىقتاۋ حات ارقىلى ىزگى تىلەك جولداۋ ءداستۇرى قوعامعا ءسىڭىپ كەتتى.
9. رەسەيدىڭ زەينەتاقى قورى اياز اتاعا «ەرتەگىلىك ەڭبەك ارداگەرى» دەگەن اتاق بەرگەن.
10. وڭتۇستىك كورەيادا جاڭا جىلدىق سىيلىققا قوسىمشا رەتىندە بالالارعا مىندەتتى تۇردە تيىن- تەبەن بەرۋ ءداستۇرى بار.
bnews.kz
