قوي جىلىنىڭ ەڭ وعاش 10 جاڭالىعى
ۇ ب ت- عا «سۇيىكتىسىنىڭ» ورنىنا كىرمەك بولعان جاردەموۆ
قىز بولىپ كيىنىپ، تەستكە كىرگەن جىگىت تابان استى سۇيىكتىسىن الماستىرماق بولعان ينتەرنەت رومانتيگى اتاندى. الايدا ول شىن مانىسىندە قىزدى تانىمايتىنىن مالىمەدى دەپ حابارلادى ك ت ك ارناسى.
20 جاستاعى ايان جاردەموۆتىڭ قىلىعى الەۋمەتتىك جەلىدە قىزۋ تالقىلانۋدا. كەيبىرەۋى ونى پايدا قۋعان كاسىپكەر دەسە، ەندى ءبىرى كويلەك كيۋگە دەيىن بارعان ستۋدەنتتى ناعىز ماجنۇنگە تەڭەگەن. سويتسە بۇل وقيعاعا ماحابباتتىڭ ەش قاتىسى جوق ەكەن. مۇنى تەرگەۋشىلەرگە بەرگەن جاۋابىندا اياننىڭ ءوزى ايتىپتى. ءتىپتى ول قىزدى تانىمايتىنىن ايتقان. ال ەمتيحانعا كىر دەپ الدەبىر تانىستارى ءوتىنىش جاساعان ەكەن.
جىگىت تەستكە كىرۋ ءۇشىن قىز بولىپ كيىنىپ، ءتىپتى شاش پەن كىرپىك جالعايدى. سول قىلىعى ينتەرنەتتى ءدۇر سىلكىندىرىپ، تالايلاردى تالاستىرىپ قويدى.
قىزدىڭ ءوزىن كوميسسيا تەستتەن قۋىپ جىبەردى. ال اياندى اياعان الەۋمەتتىك جەلىدەگى جۇرت وعان سالىنعان جارتى ميلليونداي ايىپپۇلدى وتەۋگە جاپپاي قاراجات جيناۋعا قىزۋ كىرىسكەن.
الماتىدا توي اقىسىن تولەي الماعانى ءۇشىن مەيرامحانا قوجايىنى قالىڭدىقتى كەپىلدە ۇستاعان
الماتىداعى بەلدى مەيرامحانا قوجايىنى توي اقىسىن تولەي الماعانى ءۇشىن قالىڭدىقتى تاڭعا دەيىن كەپىلدە ۇستاعان. بۇل تۋرالى جاس جۇبايلاردىڭ وزدەرى NUR. KZ ينتەرنەت- پورتالىنىڭ رەداكتسياسىنا حابارلادى.
ماقسۇت (ەسىمى وزگەرتىلگەن - رەد. ) ناۋاي كوشەسىنىڭ بويىنداعى قىمبات ءدامحاناعا نەسيە الىپ، 150 ادامعا ۇيلەنۋ تويىن جاساعان. داستارحان مەن قوناق كۇتۋ قۇنى 2 ميلليون 150 مىڭ تەڭگە بولعان. اتالعان سومانىڭ 70 پايىزىن جاس جۇبايلار تويعا دەيىن تولەپ، قالعان قاراجاتتى قوناقتار اكەلگەن سىيلىقتان جابامىز دەپ جوسپارلاعان.
الايدا سول كۇنى بەلگىسىز سەبەپتەرمەن تويعا شاقىرىلعان قوناقتاردان 30 ادام كەلمەگەندىكتەن، داستارحان بوس تۇرىپ، تۇسەتىن سىيلىقتىڭ كولەمى دە ازايعان. وسىلايشا جاس جۇبايلار مەيرامحاناعا 500 مىڭ تەڭگە قارىز بولادى. توي اياقتالىسىمەن اكىمشى جاس جۇبايلارعا تۇندەلەتىپ جارتى ميلليون تەڭگە تابۋدى تالاپ ەتكەن.
ءتىپتى، «ەرتەڭگە قالدىرمايمىن» دەگەن كاسىپكەر قالىڭدىقتى اق كويلەگىن شەشكىزبەستەن تاڭعا دەيىن كەپىلدە ۇستاعان. ماقسۇت كەپىلگە كولىگىن دە ۇسىنعان الايدا، مەيرامحانا قىزمەتكەرلەرى مەن قوجايىنى باس تارتىپتى. وسىلايشا كۇيەۋ جىگىت تۇندەلەتىپ، كولىگىن جارتى باعاسىنا ساتىپ، قالىڭدىعىن كەپىلدەن شىعارىپ العان.
ەسىن جيعان جاس جۇبايلار ەندى بۇل ءىستىڭ قىلمىس ەكەنىن ءتۇسىنىپ، مەيرامحانا قوجايىنىن سوتقا بەرمەكشى.
اقتوبەدە ساتىلىمعا قويىلعان تۇشپارالاردى تۇيۋگە قۇلدىققا جەگىلگەن جىگىتتەر
اقتوبەدە ەكى ارۋ جاس جىگىتتەردىڭ باسىن اينالدىرىپ، سىبايلاستارىمەن بىرگە قارماقتارىنا تۇسىرگەن. جىگىتتەر ساتىلىمعا قويىلعان تۇشپارالاردى تۇيۋگە قۇلدىققا جەگىلىپتى.
ءۇش كۇن توقتاۋسىز جۇمىس ىستەتكەننەن كەيىن ولار قۇرباندارىن جايىنا جىبەرە سالادى ەكەن. «ەكسپرەسس ك- عا» وسىنداي «قاتىگەز تۇشپاراشىلارعا» الدانىپ قالعان جىگىتتەردىڭ ءبىرى حابارلاستى. ءوز ەسىمىن قۇپيا ساقتاۋىن قالاعان ازامات ءوزىنىڭ قالاي قورلانعانىن بايانداپ بەردى.
دوسىمەن بىرگە ديسكوتەكاعا شىققان ول كوركىنەن كوز تايار ەكى ارۋمەن تانىسقانىن ەسىنە الدى. ەكى جىگىت تە بويجەتكەندەردىڭ كەت ءارى ەمەس ەكەنىن سەزىپ، كوزدەرى جانعان. بويجەتكەندەر وزدەرىنىڭ قىمبات سارى كولىكتەرىنە ءمىنىپ، جىگىتتەرگە پاتەرگە بىرگە بارۋعا ۇسىنىس جاسايدى.
قۋانا كەلىسكەن ازاماتتار پاتەرگە جەتكەندە ءوز كوزىنە سەنبەگەن. ەشكىم جوق بولۋى ءتيىس پاتەردەن ءۇش ەڭگەزەردەي ەركەك شىعادى. دەنەلەرى ابدەن شىنىققان ەر كىسىلەر ولارعا بويجەتكەندەرگە قول سۇقپاق بولعاندارىن تەك ءبىر شارتپەن كەشىرۋگە ءازىر ەكەندەرىن جەتكىزەدى.
ولار ءارقايسىسىنا 400 قوراپ تۇشپارا ءتۇيۋ شارتىن قويادى. تىعىرىققا تىرەلگەن جىگىتتەر ءۇش كۇن بويى تۇشپارا ءتۇيۋ قۇلدىعىنا تۇسكەن.
بويجەتكەندەر مۇنداي جىگىتتەر قۇقىق قورعاۋ ورگاندارىنا حابار بەرە قويمايتىنىنا سەنىمدى بولعان. سولاي بولدى دا. سەبەبى سۇلۋ قىزدارمەن ءتۇنى بويى كوڭىل كوتەرۋدىڭ ورنىنا تۇشپارا ءتۇيىپ شىققانىن مويىنداۋ كوپتەگەن جىگىت ءۇشىن ۇياتتى نارسە.
سودان كەيىن ديسكوتەكالارعا باس سۇعۋىن قويعان رۋسلان سول ارۋلاردىڭ ءبىرىن تۇنگى كلۋبتىڭ ماڭىنان كەزدەستىرىپ قالادى.
ونى اڭگىمەگە تارتقان ارۋ سەحتىڭ ءالى كۇنگە دەيىن ىستەپ جاتقانىن ايتقان. ايتۋىنشا، تەك ءبىر رەت قانا ويلارى ىسكە اسپاي قالعان. سەبەبى ەرتىپ كەلگەن جىگىتتەردىڭ ءبىرى كاراتەدەن قارا بەلبەۋدىڭ يەگەرى بولىپ شىققان.
ول ءۇش ەڭگەزەردەي ەركەكتى سول جەردە ساباپ قويا بەرگەن. كەيىن دوسىمەن بىرنەشە قوراپ تۇشپارانى الىپ، پاتەردەن شىعىپ كەتكەن.
تويدا سالەم بەرگەن كەلىن قازنەتتە جۇلدىزعا اينالدى
تويدا بار ىنتاسىمەن توقتاماستان سالەم بەرگەن كەلىننىڭ ۆيدەوسى الەۋمەتتىك جەلىلەرگە جۇكتەلدى.
ۆيدەونى كورىپ ۇلگەرگەن كوپشىلىك بۇل جاعداي شىمكەنتتە ورىن العان بولۋى كەرەك دەگەن بولجامدارىن ايتۋدا. پىكىر قالدىرۋشىلاردىڭ دەنى بۇل جاعدايدى قالىڭدىققا كورسەتكەن قورلىق دەپ باعالاعان.
«مىنا كەلىندەر تويدان كەيىن بەلى اۋىرىپ، ءبىر اپتا جاتقان شىعار» ، - دەپ جازعان ۆيدەومەن بولىسۋشىلەردىڭ ءبىرى.
و ق و- دا تۇرعىن بيلىكتەن ءوزىنىڭ پايعامبار ەكەنىن مويىنداۋىن تالاپ ەتكەن
تۇركىستان قالاسىندا ءوزىن اللا ۇكىمىمەن پايعامبار بولعانىن جاريا ەتكەن ءنۇرالى امىراليەۆ ەسىمدى 51 جاستاعى ازامات قالا اكىمىنە حات جولدايدى. وندا ول اللامەن تىلدەسىپ، پايعامبارلىق دارەجەسىن العانىن، بيلىكتىڭ ونىمەن ساناسىپ، مويىنداۋىن تالاپ ەتىپ وتىر دەپ حابارلايدى 31 - ارنا.
ەلۋ ءبىر جاستاعى تۇركىستاندىق ءنۇرالى امىراليەۆ اللا تاعالامەن تىكەلەي تىلدەسكەن ءۇشىنشى پايعامبارمىن، ماعان بۇل ۇكىم جاراتۋشىدان ۋاحي بولدى دەپ ەلگە ءمالىم ەتۋىن قويماي كەلەدى.
ونىڭ اكىمگە جازعان حاتى عالامتورعا شىعىپ، ءار وڭىردەن حابارلاسۋشىلار كوبەيگەن. ءبىرى قورقىتىپ- ۇركىتسە، ەندى ءبىرى ولتىرەمىن دەگەن كورىنەدى. ءبىراق وسىعان قاراماستان، ءوزى وسى جولدان استە تايمايمىن دەپ بەكىنىپ وتىر.
ۇلىنىڭ ارەكەتىن اناسى دا قولداپ وتىر.
وسكەمەندىك جاس جىگىت جاڭا اياق كيىم الۋ ءۇشىن كوشەدە تىر جالاڭاش ءجۇردى
وسكەمەن كوشەلەرىن تىر جالاڭاش كۇيىندە كەزگەن 22 جاستاعى جىگىت تۇرعىنداردى شوشىتتى.
«مەنىڭ باتىڭكەلەرىم جىرتىلىپ قالدى. جاڭاسىن الۋ كەرەك ەدى. ءبىز دوستارىمىزبەن اڭگىمە ايتىپ وتىرىپ، باستەستىك. ەگەر مەن كوشەدە جالاڭاش جۇرەتىن بولسام، ماعان اياق كيىم الىپ بەرەتىن بولدى. بۇل تالاپتى ورىنداماسام، بۇدان دا اۋىر «جازا» كۇتىپ تۇر ەدى. سوندىقتان، مەن كوشەدە جالاڭاش ءجۇرۋدى ءجون سانادىم» ، - دەيدى ءوزىن ءادىل دەپ تانىستىرعان جىگىت.
ونىڭ ايتۋىنشا، كوشەدە ءوزىن جالاڭاش كۇيىندە كورگەن تۇرعىندار ونىڭ بۇل ارەكەتىنە كۇلىمدەپ قانا قاراعان.
قازاقستاندا جىنىستىق قاتىناسقا سالىق سالۋدى ۇسىنعان ق م و
قازاقستان مۇسىلماندارىنىڭ وداعى (ق م و) مەن ورتالىق ازياداعى ادام قۇقىقتارى بويىنشا مۇسىلماندار كوميتەتى (و ا ا ق م ك) ەلىمىزدە سەكسۋالدى سالىق ەنگىزۋ ۇسىنىسىن جاسادى.
ق م و باسپا ءسوز حابارلاماسىندا وداق قىزمەتكەرلەرى جەتەكشى ەكونوميستەر جانە سەكسولوگتارمەن اقىلداسا وتىرىپ، ينتيمدىك سالاعا سالىق سالۋدىڭ جۇيەسىن ويلاستىرىپ قويعانى ايتىلادى.
«زاڭدى نەكەگە تۇرعان ءاربىر قازاقستاندىق 1 جىنىستىق قاتىناس ءۇشىن 584 تەڭگە تولەۋگە مىندەتتى. ەگەر جىنىستىق قاتىناس ازاماتتىق نەكەدەگىلەردىڭ اراسىندا بولسا، سالىق 748 تەڭگەنى قۇرايتىن بولادى. نەكەسىز جىنىستىق قاتىناس - 1893 تەڭگە. گەيلەر مەن لەسبيلەردىڭ جىنىستىق قاتىناسى - 2741 تەڭگە. ءداستۇرلى ەمەس جىنىستىق قاتىناس - 4892 تەڭگە» ، - دەپ ق م و وكىلدەرى الدىن الا سالىق مولشەرلەمەلەرىن انىقتاپ قويعان.
سونىمەن قاتار حابارلامادا 1 جىنىستىق قاتىناستىڭ ۇزاقتىعى 14 مينۋتتان اسپاۋ كەرەكتىگى جازىلعان. اسقان جاعدايدا قوسىمشا سالىقتار تولەيتىن بولادى. ال شەتەلدىكتەر ءۇشىن سالىق قۇنى ەكى ەسەلەنەدى.
ۇيىم، سونىمەن قاتار پوليتسيادا تۇرعىنداردىڭ سەكسۋالدىق ءومىرىن قاداعالايتىن ارنايى ءبولىم اشۋ كەرەك دەپ سانايدى.
«زاڭنىڭ ورىندالۋىن باقىلايتىن ارنايى بولىمدەر اشۋ كەرەك. پوليسەيلەر تۇرعىنداردىڭ سەكسۋالدىق ءومىرىن باقىلاۋعا الۋ ءۇشىن ۇيلەرىنە ەسكەرتۋسىز كەز- كەلگەن ۋاقىتتا كىرىپ، تەكسەرىس جۇرگىزۋ قۇقىعىن يەلەنۋى ءتيىس» ، - دەلىنگەن حابارلامادا.
ق م و سەكسۋالدى سالىقتان تۇسكەن بار تابىس مەملەكەتتىك بيۋدجەتكە اۋدارىلىپ، قازاقستاندىقتاردىڭ رەپرودۋكتيۆتى دەنساۋلىعىن جاقسارتۋعا جانە ۆەنەرولوگيالىق اۋرۋلارمەن كۇرەسكە جۇمسالاتىن بولادى دەيدى.
پرايم- پلازاداعى وقيعادان سوڭ اۋزى كۇيگەن قايرات نۇرتاس كونسەرتىنە 2700 كۇزەتشى شاقىردى
ەلورداداعى استانا ارەنا مەن الماتىداعى بالۋان شولاق اتىنداعى سپورت سارايىندا كەش بەرگەن ءانشىنىڭ كونسەرتىن 2700 كۇزەتشى قورشاپ تۇردى دەپ حابارلايدى 31 -ارنا.
پرايم- پلازاداعى وقيعادان سوڭ اۋزى كۇيگەن ءانشىنىڭ پروديۋسەرى قاۋىپسىزدىك ماسەلەسىن قالاي ۇيىمداستىرعانىن باياندادى. گۇلزيرا ۇسەن قىزىنىڭ ايتۋىنشا، قايرات نۇرتاستىڭ استانا قالاسىنداعى كونسەرتىندە 2700 كۇزەتشى بولعان.
بۇنى ەستىگەن جۇرت، جارىسا پىكىر قالدىرىپ، ءتىپتى مايكل دجەكسوننىڭ كونسەرتىندە مۇنشا كۇزەتشى بولعان ەمەس دەپ تاڭدانىستارىن جاسىرماعان.
سوڭعى جىلدارى ەشبىر قازاق ءانشىسى جەكە كەشىن وسىنداي ۇلكەن الاڭداردا بەرىپ كورمەگەن ەدى. 30000 مىڭ كورەرمەن سىيدىرا الاتىن استانا ارەنادا شامامەن 21000 تىڭدارمانعا، ال 5000 ورىندىعى بار الماتىداعى بالۋان شولاق سپورت كەشەنى قايراتتىڭ اندەرىن ءسۇيىپ تىڭدايتىن كورەرمەنگە لىق تولى بولدى.
بالۋان شولاقتىڭ اينالاسىن پوليتسەيلەر مەن ارنايى كۇزەتشىلەر قورشاپ، قاۋىپسىزدىك ماسەلەسىن تولىقتاي قامتاماسىز ەتىپ تۇردى. ءارى 17 -جەلتوقسان، كەشقۇرىم، 86 دا ءدال قان توگىلگەن ۋاقىت. ۇيىمداستىرۋشىلاردىڭ ۇلكەن ۋايىمى دا سول ەدى.
الايدا، ەكى كونسەرت تە ابىروي بولعاندا ىڭ- شىڭسىز ءوتتى. كورەرمەندەر دە مادەنيەتتىلىك ساقتاپ، سپورت كەشەنىنە كەزەك- كەزەگىمەن كىرىپ جاتتى.
الماتىدا توسەك قاتىناسىنا تۇسپەگەن بويجەتكەن ەكىقابات بولىپ قالدى
اياعىنىڭ اۋىرلاعانىن 18 جاستاعى قىز اناسىمەن بىرگە ەمحاناعا بارعاندا ءبىر- اق بىلگەن. «ءىشىم اۋىرىپ» ءجۇر دەگەن قىزىن دارىگەرگە ەرتىپ بارعان ايەل دە بۇعان قاتتى تاڭقالعان.
بۇل تۋرالى NUR. KZ ينتەرنەت- پورتالىنىنىڭ تىلشىسىنە اتالعان جاعداي ورىن العان وتباسىنىڭ مۇشەسى حابارلاعان. بەلگىلى ءبىر سەبەپتەرمەن وتباسى اتى- جوندەرىن جاسىرىپ قالۋدى ءجون كوردى.
كامەلەت جاسىنا كەلگەن قىزىن دارىگەرگە جەتەكتەپ اكەلگەن اناسى جۋىردا نەمەرەلى بولاتىنىن، قىزى جۇكتىلىكتىڭ 7- ايىندا ەكەنىن ەستىپ، ەسىنەن تانىپ قالا جازداعان. جۇكتى بولعانىن بىلمەيتىن قىزدىڭ ءوزى ءالى پاك ەكەنىن ايتىپ، اقتالماق بولعان. قىزدىڭ ەشكىممەن توسەكتەس بولماعانىن ونى تەكسەرگەن دارىگەر- گينەكولوگ تا راستادى.
كەيىن انىقتالعانداي، قىز بالا جىگىتىمەن وڭاشادا قالىپ، ويناعان. ءبىراز جەرگە دەيىن بارىپ، شەشىنگەن، ءبىراق جىنىستىق قاتىناسقا تۇسپەگەن. دەگەنمەن جىگىتتەن ءبولىنىپ شىققا بيولوگيالىق سۇيىقتىق قىزدىڭ ىشىنە تۇسكەن. ەندى قىزدى تۇرتكەن جوقپىن دەپ جىگىت ات- تونىن الا قاشىپ، ۇيلەنۋدەن باس تارتىپ وتىر.
شىمكەنتتىك كۇزەتشى ەل الدىندا ابىرويىن اسقاقتاتىپ، «باتىر» اتانۋ ءۇشىن قوناقۇيگە ويىنشىق بومبا قويعان
22 - جەلتوقسان كۇنى قالاداعى قوناقۇيلەردىڭ بىرىنە بەلگىسىز ازامات كۇدىكتى قوراپشانى قالدىرىپ، قارسى كەلگەن كۇزەتشىنى پىشاقتاپ كەتكەن بولاتىن. الايدا بۇل وقيعانى مونشا كۇزەتشىسى ءوزى جاساعان بولىپ شىقتى. پوليتسەيلەردىڭ تەرگەۋى كەزىندە جيىرما جاستاعى جىگىت قيسىنسىز ارەكەتىن بىلاي تۇسىندىرگەن.
«جاڭا جىلعا قارسى سىياقى الۋ ءۇشىن. سوسىن، قورىقپاي ەرجۇرەكتىك تانىتىپ بومبا قويۋشىمەن ارپالىستى دەپ باسشىلىق ماعان قوماقتى اقشا بەرەر دەگەن ويمەن جاسادىم. بۇدان كەيىن ارىپتەستەرىمنىڭ اراسىندا ابىرويلى بولارمىن دەپ ويلادىم» ، - دەيدى كۇدىكتى.
ءسوزىنىڭ دالەلى ءۇشىن كۇدىكتىڭ ءۇيىن تەكسەرۋ كەزىندە جالعان جارىلعىش زاتتى جاساۋعا قولدانعان بۇيىمدار تابىلدى. سىياقى ءۇشىن ءدۇيىم جۇرتتى دۇرلىكتىرگەن جىگىت قازىر قاماۋعا الىنىپ، ۇستىنەن قىلمىستىق ءىس قوزعالدى. ەندى ول جاڭا جىلدىق سىياقىدان قاعىلعانى بىلاي تۇرسىن، كوپ كۇتكەن مەرەكەنى دە تەمىر توردا قارسى الاتىن بولادى.
دەرەككوز: NUR. KZ
