ءتىستىڭ ساۋلىعىنا پايدالى 10 تاعام
ولاردا ادام اعزاسىنا پايداسى مول تابيعي دارۋمەندەر جوقتىڭ قاسى.
مىسالى، كوپ مولشەردەگى قانت، گازدالعان سۋسىن، شاراپ سەكىلدى كۇندەلىكتى تۇتىناتىن تاۋارلار ءتىستىڭ بىردەن- ءبىر جاۋى.
دەگەنمەن، ءتىستىڭ بەرىكتىگى مەن تازالىعىنا وڭ اسەرىن تيگىزەتىن ازىق- تۇلىكتەر دە از ەمەس. ءبىز سىزدەرگە سونداي تاعامداردىڭ 10 ءتۇرىن ۇسىنامىز.
كوك شاي - قۇرامىندا پوليفەنول جانە تابيعي انتيوكسيدانتارى ءبىر كوك شاي ءتىس قابىرشاقتانۋىنان قورعاپ، ءتىس جەگىنىڭ الدىن الادى. فتورعا باي كوك شاي ءتىس ەمالىن دە قورعايدى. سونداي-اق، بۇل شاي ءتۇرى اۋىز قۋىسىن جاعىمسىز يىستەن ارىلتادى.
ءسۇت پەن يوگۋرت - بۇل تاعامداردىڭ قۇرامىندا قانت از بولعاندىقتان، ءتىس جەگى قاۋپىنەن ساقتايدى، ءتىس بەرىكتىنە ىقپالىن تيگىزەدى.
ىرىمشىك - كالتسي مەن فوسفاتقا تولى ىرىمشىك باكتەريالاردى ءولتىرىپ، ءتىس ەمالىن ساقتايدى.
جەمىس- جيدەك - الما، قۇلپىناي، اپەلسين، ليمون، كيۆي سەكىلدى جەمىس تۇرلەرى س ۆيتامينىنە باي كەلەدى. ولار قىزىل يەكتىڭ زاقىمداۋىنان قورعاپ، پارودونتوزدىڭ الدىن الادى.
كوكونىس - اسقاباق، ءسابىز، كارتوپ، بروككولي ەمال مەن قىزىل يەكتىڭ ساۋلىعىنا اسەر ەتەدى.
پياز - پىسىرىلمەگەن، ياعني شيكى پياز انتيباكتەريالدى قاسيەتكە يە. ءوز راتسيونىندا پيازدى ءجيى قولدانساڭىز، تىستەرىڭىز بەرىك ءارى ەرەكشە تازا بولادى.
سەلدەرەي - سەلدەرەيدەن بولىنەتىن ءسول قىزىل يەككە ەرەكشە پايدالى. باكتەريالاردان قورعايتىن بۇل تاعام ءتىستىڭ تازالىعىنا دا پايداسى مول.
كۋنجۋت داندەرى - ءتىس قابىرشاتانۋىن الدىن الادى، ەمالدىڭ ساقتالۋىنا كومەگىن تيگىزەدى.
ەت پەن جۇمىرتقا - كالتسي، ۆيتامين D جانە فوسفور ءتىستىڭ مىقتى ءارى دۇرىس وسۋىنە اسەر ەتەدى.
سۋ - ءتىس زاقىمدانۋىنان قاراپايىم سۋ دا قورعايدى. كۇندەلىكتى دۇرىس مولشەردە ىشكەن سۋ اۋىز قۋىسىن تازارتىپ، تاماق قالدىقتارىن بولدىرمايدى.
ءتىستىڭ ساۋلىعى تەك تاماقتانۋدىڭ عانا ەمەس، سونداي-اق، دۇرىس كۇتىمنىڭ ارقاسىندا جۇزەگە اسادى. ءتىس پاستاسى مەن شەتكاسىنان باسقا، ءتىس ءجىبى مەن ارنايى سۇيىقتىقتاردى قولدانعان ابزال. ءتىس ءجىبى تاماق قالدىقتارىنان ايرىلتسا، اۋىز شايقاۋعا ارنالعان سۇيىقتىق ءتىس جەگىنەن ساقتاپ، جاعىمسىز يىستەن قورعايدى. اۋىز قۋىسى تازالىعىندا ءتىل تازالىعى دا ەرەكشە ورىن الادى. ونى ارنايى قاسىقپەن نەمەسە شەتكامەن تازالاۋعا بولادى.
ۋاقىتىلى وتكىزىلەتىن اۋىز قۋىسى تازالىعى مەن دۇرىس تاماقتانۋ ەرەجەسى ءتىسىڭىزدىڭ ساقتىعىنا وڭ اسەرىن تيگىزەدى.
