استاناداعى جاتاقحانادا گاز باللونى جارىلىپ، ونىڭ سالدارىنان10 ادام زارداپ شەكتى
«21 -قاراشا كۇنى ساعات 13:43 تە استانادا 101 قىزمەتىنە ءورت تۋرالى حابارلاما كەلىپ ءتۇستى. وقيعا ورنىنا ەكى مامانداندىرىلعان ءورت ءسوندىرۋ ءبولىمى بولىمشەلەرىنىڭ ماماندارى شىقتى. ولار وقيعا ورنىنا كەلگەن كەزدە، جاتاقحانا ەتىپ قايتا سالىنعان 2 قاباتتى كوتتەدجدىڭ ءبىرىنشى قاباتى ورتەنگەنى بەلگىلى بولدى. بولمەلەردىڭ بىرىندە 15 شارشى مەتر جەردە ءۇي زاتتارى مەن جيھاز ورتەنىپ جاتقان»، - دەپ حابارلادى ق ر ءى ءى م ت ج ك-نىڭ رەسمي وكىلى رۋسلان يمانقۇلوۆ.
الدىن الا نۇسقا بويىنشا، ءورتتىڭ شىعۋىنا گاز باللونىنىڭ جارىلۋى سەبەپ بولعان. «گاز باللونىنىڭ جارىلعانىن كۋاگەرلەر دە راستاپ وتىر. ءورت سوندىرۋشىلەر عيماراتتان بارلىعى التى باللوندى الىپ شىققان. جارىلىس سالدارىنان 10 ادام: 4 ەرەسەك ادام مەن 6 بالا زارداپ شەكتى. ولار اۋرۋحاناعا جەتكىزىلدى»، - دەپ ناقتىلادى ول.
ءورت ساعات 14:44 تە سوندىرىلگەنى اتاپ وتىلەدى.
