ماسكەۋ اۋەجايلارىندا ەگيپەتتەن اكەلىنگەن 10 مىڭعا تارتا شابادان جينالىپ قالدى
ولاردىڭ جارتىسى ازىرگە وزدەرىنىڭ جۇكتەرىن ءالى العان جوق نەمەسە اكەتكەن جوق.
جولاۋشىلار وزدەرىمەن قول جۇكتەرىن عانا الا الادى، ال ۇلكەن جۇكتەر رەسەيگە ت ج م ارنايى رەيستەرىمەن جەتكىزىلەدى.
ولار ماسكەۋگە جانە سانكت-پەتەربۋرگكە جانە ودان ءارى قاجەتتىگىنە قاراي «رەسەي پوشتاسى» ارقىلى باسقا دا ەلدى مەكەندەرگە پوشتامەن جونەلتىلەدى. شابادانداردىڭ باسىم بولىگى ۆنۋكوۆو اۋەجايىنا تۇسىرىلەدى.
6-13 -قاراشا ارالىعىندا ۆنۋكوۆوعا 6370 سومكەلەر مەن شاباداندار جەتكىزىلدى. بۇل كەزدە شەرەمەتەۆو اۋەجايىنا 4087 بىرلىك جۇك ءتۇسىرىلدى. دومودەدوۆو وتكەن جۇمادان بەرى ەگيپەتتەن اكەلىنگەن 7,5 مىڭنان استام جۇكتى وڭدەدى.
ەگيپەتتەن ۇشاردا تۋريستەر جۇكتەرىن تاپسىرۋدى راسىمدەيدى جانە وزدەرىنىڭ بايلانىس مالىمەتتەرىن كورسەتەدى. جولاۋشىلارعا جۇكتەرىنىڭ كەلىپ تۇسكەن جەرى تۋرالى اۋەجايلار قىزمەتى حاباردار ەتەدى. ۇيگە ورالعاننان كەيىن تۋريستەر تەلەفون نەمەسە س م س(كەلتەحات) بويىنشا حابارلاردى كۇتۋى ءتيىس. ەگەر سومكە نەمەسە شابادان رەسەيگە بەلگى سالىنباي اكەلىنگەن بولسا، ونى سۋرەتكە ءتۇسىرىپ، سۋرەتتەردى ماسكەۋ اۆياتورابى اۋەجايلارىنىڭ سايتتارىنداعى «جولاۋشىلار ءۇشىن اقپاراتتار» بولىمىنە ورنالاستىرادى، دەپ جازادى ر ب ك.
جۇما كۇنى ۆنۋكوۆو اۋەجايىنىڭ باسشىلىعى جولاۋشىلاردان ەگيپەت اراب رەسپۋبليكاسىنان اكەلىنگەن جۇكتەرىن تەزىرەك الىپ كەتۋدى ءوتىندى. شەرەمەتەۆودا جۇكتەرمەن پروبلەما جوق ەكەنى حابارلاندى. دومودەدوۆو ەگيپەتتەن اكەلىنگەن جۇكتەردى وڭدەۋ مەن سۇرىپتاۋعا جانە جۇك يەلەرىنىڭ سۇراقتارىنا جاۋاپ قايتارۋعا 200 دەن استام مامانداردى تارتقان. مۇنداي شارالار 10 جانە 12 -قاراشادا اۋەجايعا «ۆولگا- دنەپر» اۆياتسيالىق تاسىمال كومپانياسىنىڭ ەكى جۇك ۇشاقتارى قونعان، ءبىر جولى عانا ولار ساياحاتشىلاردىڭ 160 توننا جۇگىن (شامامەن 5 مىڭ ورىن) اكەلگەن.
ەسكە سالا كەتەيىك. 31 -قازاندا تاڭەرتەڭ ەگيپەتتە رەسەيلىك «كوگالىماۆيا» اۆياكومپانياسىنىڭ A321 ۇشاعى اپاتقا ۇشىرادى. لاينەر شارم- ەل- شەيح - سانكت- پەتەربۋرگ جولباعىتى بويىنشا رەيستى ورىنداعان. ۇشاق بورتىندا 224 ادام، سونىڭ ىشىندە ەكيپاج مۇشەلەرى بولعان. ەگيپەتتىك بيلىكتىڭ اقپاراتى بويىنشا، A321 اپاتىندا ەشكىم دە ءتىرى قالعان جوق.
