روزا رىمبايەۆا تۋرالى 10 فاكت

استانا. قازاقپارات - بۇگىن، ياعني 28 -قازان قازاق پريمادونناسى، قازاقستاننىڭ التىن داۋىسى، بەلگىلى ءانشى روزا رىمبايەۆانىڭ تۋعان كۇنى.

1975 -جىلدان بەرى ەسەپتەگەندە ساحنادا ونەر كورسەتىپ جۇرگەنىنە 40 جىل تولۋىنا وراي، جۋىردا مەرەيلى قۋانىشىن مەرەكەلىك كونسەرت بەرۋىمەن اتاپ وتپەك.

ءبىز ارنامىزدىڭ اتىنان روزا قۋانىش قىزىن تۋعان كۇنىمەن قۇتتىقتاي وتىرىپ، نازارلارىڭىزعا ەرەكشە تالانت يەسىنىڭ ومىرىنەن الىنعان 10 دەرەكتى ۇسىنامىز.

1. 1975 -جىلى العاش رەت ساحناعا شىقتى. 2 ءانشىنىڭ حالىقارالىق دەڭگەيدە تانىمال بولۋى س. بايتەرەكوۆتىڭ «ءاليا» ءانىن ورىنداۋىنان باستالادى. 3. 29 جاسىندا قازاقستاننىڭ حالىق ءارتىسى اتانادى. 4. انشىلىك ونەرى اناسىنان دارىعان. 5. روزانى العاش ساحناعا شىعارىپ، پروديۋسەرى بولعان ءوزىنىڭ مارقۇم جارى، ءالي مەن ءماديدىڭ اكەلەرى -  تاسقىن وقاپوۆ. 6. 1979 -جىلى «قازاقكونسەرت» بىرلەستىگىنىڭ جانىنان قۇرىلعان «اراي» ەسترادالىق انسامبلىنىڭ سوليسى اتانادى. 7. 1982 -جىلى «دو سۆيدانيا، مەدەو» (قوش بول مەدەۋ - رەد.) سوۆەت-چەحوسلوۆاك فيلمىندە باستى ءرولدى سومدايدى. 8. روزا قۋانىش قىزىنىڭ ەكى ۇلى - ءالي وقاپوۆ مەن مادي اناسىنىڭ ءىزىن قۋىپ، ونەر جولىن تاڭدادى. ەكەۋى دە مۋزىكالىق مەكتەپ بىتىرگەن. 9. تاسقىن وقاپوۆتىڭ تۋعان اعاسى مەن جەڭگەسى ومىردەن ەرتە وزىپ، ولاردىڭ ءاليا مەن مانشۇك ەسىمدى ەكى قىزىن روزا رىمبايەۆا قولىنا الىپ، اسىرايدى. ياعني، بۇگىندە ءوزىنىڭ 2 ۇلىن ەسەپتەگەندە، 4 بالانىڭ اناسى اتانىپ وتىر. 10. 3 رەت دەپۋتاتتىققا سايلانادى، الايدا ءوزىنىڭ جولىن ساياساتتا ەمەس، ونەردە ەكەنىن ايتىپ، باس تارتادى.

 

www.bmtv.kz