تۇسىكتىڭ 10 سەبەبى

سونداي- اق ولاردىڭ كوپ بولىگى جۇكتىلىكتىڭ العاشقى كەزەڭىندە ورىن الاتىن كورىنەدى. كەيبىر جاعدايلاردا كەلىنشەكتەر قۇرساعىنا شارانا بىتكەنىن دە بىلمەي قالادى ەكەن.
ال جارىق دۇنيەگە بالا اكەلەتىنىنە ىشتەي قۋانىپ، سول قۋانىشتى ءساتتى تەبىرەنە كۇتىپ جۇرگەن جان ءۇشىن تۇسىك تاستاۋدان ارتىق قاسىرەت- قايعى جوق.
جۇكتىلىكتىڭ العاشقى كەزەڭىندە تۇسىك تاستاۋدىق نەگىزگى سەبەپتەرى قانداي؟ وسى سۇراقتىڭ جاۋابىن ىزدەپ كورەلىك.
ۇرىقتا گەنەتيكالىق اۋىتقۋلاردىڭ بولۋى
بۇل تۇسىك تاستاۋدىڭ نەگىزى سەبەپتەرىنىڭ ءبىرى. ستاتيستيكا تۇسىك تاستاۋشىلاردىڭ %73 ىندا ءدال گەنەتيكالىق اۋىتقۋدىڭ بولعانىن كورسەتىپ وتىر. گەنەتيكالىق اۋىتقۋلار تۇقىم قۋالاۋشىلىققا قاتىستى ەمەس.
ول سىرتقى جاعدايدىڭ (رادياتسيا، ادامداردىڭ اينالىساتىن كاسىبىنە بايلانىستى وندىرىستىك زياندىلىق، ۆيرۋستار، ت. ب. ) اسەرىنەن بولاتىن اتا-انانىڭ جىنىس كلەتكالارىنداعى ءبىر رەتتىك وزگەرىستىڭ ناتيجەسى. وسى سەبەپتى تۇسىكتىڭ ورىن الۋى تابيعي جاعداي، ياعني ءومىر سۇرۋگە قاۋقارسىز ۇرىقتان ارىلۋ.
گورموندىق اۋىتقۋلار
ايەل اعزاسىنداعى گورموندار جۇمىسىنىڭ بۇزىلۋى جۇكتىلىكتىڭ ەرتە كەزەڭىندە تۇسىك تاستاۋعا سەبەپشى بولادى. كوپ جاعدايدا جۇكتىلىكتىڭ باستى گورمونى پروگەستەروننىڭ جەتىسپەۋشىلىگىنەن بولادى.
ەگەر ونىڭ قاجەتتى مولشەردە ەمەس ەكەنىن ۋاقىتىلى انىقتايتىن بولسا، پروگەستەرون پرەپاراتى ارقىلى تۇسىكتىڭ الدىن الۋعا بولادى. سونداي- اق ەرتە تۇسىك اتالىق جىنىس گورموندارى اندروگەندەردىڭ ازدىعىنان دا بولادى.
يممۋنولوگيالىق سەبەپتەر
دەمەك، ايەل اعزاسىندا ەر ادامنىڭ سپەرماتوزويدتارىنا قارسى انتيسپەرمالدى انتيدەنەلەردىڭ ءتۇزىلۋى. بۇل انتيدەنەلەر سپەرماتوزويدتاردى جاتىر موينىندا، جاتىر بۇلشىقەتىندە، جاتىر تۇتىكشەلەرىندە فاگاتسيتوزعا ۇشىراتىپ، جويىپ جىبەرەدى.
جىنىس جولدارى ارقىلى بەرىلەتىن ينفەكسيالار
ياعني تريحومونياز، توكسوپلازموز، سيفيليس، حلاميديوز، سونداي- اقۇشىق جانە ت. ب. ينفەكتسيالارى جۇكتىلىكتىڭ العاشقى كەزەڭىندە تۇسىكتىڭ سەبەپشىسى بولادى.
سوندىقتان جۇكتىلىككە دەيىنينفەكتسيانى ەمدەۋدى قولعا الۋ كەرەك.
ينفەكسيالىق جانە جالپى ىشكى ورگانداردىڭ اۋرۋلارى
ۋلانۋ مەن دەنە قىزۋىنىڭ كوتەرىلۋىمەن كورىنىس تاباتىن كەز كەلگەن اۋرۋ تۇسىككە سەبەپشى بولادى. ول اۋرۋلاردىڭ ىشىندە قىزىلشا، ۆيرۋستى گەپاتيت، تۇماۋ الدىڭعى ورىندا تۇر.
سونىمەن قاتار قاراپايىم باسپانىڭ (انگينا) جۇكتىلىكتىڭ 4-10 اپتا كەزەڭىندە وتە ءقاۋىپتى ەكەنىن ەستەرىڭىزدە ۇستاڭىزدار.
ال پنيەۆمونيا، پيەلونەفريت، اپپەنديتسيتتىڭ جۇكتى ايەلدەر مەن جاتىرىنداعى ۇرىق ءۇشىن قانشالىقتى قاتەرلى ەكەنى ايتپاسا دا تۇسىنىكتى.
سوندىقتان بالانى جوسپارلاماس بۇرىن تولىق مەديتسينالىق تەكسەرۋدەن ءوتىپ، بويىڭىزدا قانداي دا ءبىر سوزىلمالى اۋرۋ بولسا، الدىمەن سونى ەمدەتىپ العان ءجون.
جاساندى تۇسىك جاساتۋ
تۇسىك جاي عانا مەديتسينالىق مانيپۋلياتسيا ەمەس، ول ەڭ الدىمەن ايەل ادامنىڭ اعزاسى ءۇشىن، اسىرەسە، انالىق جىنىس بەزى، بۇيرەك بەزى ءۇشىن ۇلكەن سوققى.
سونداي- اق جاساندى تۇسىك جىنىس ورگاندارىنىڭ جۇمىسىن بۇزىپ، ءتۇرلى سوزىلمالى اۋرۋلاردىڭ تۋۋىنا اكەلىپ سوقتىرادى. وسىلايشا ول بەدەۋلىك پەن ۇنەمى تۇسىك تاستاۋدىڭ سەبەپشىسى بولادى.
دارىلەر مەن شوپتەر
جۇكتىلىكتىڭ العاشقى كەزەڭىندە ءدارى- دارمەككە مۇلدە جولاماعان دۇرىس. ويتكەنى ولاردىڭ كوپشىلىگى ەرتە تۇسىك تاستاۋعا نەمەسە ۇرىقتىڭ دۇرىس دامۋىنا كەدەرگى بولادى.
ءتۇرلى قوسپالى دارىلەر عانا ەمەس، حالىقتىق مەديتسينادا قولداناتىن شوپتەردىڭ دە كەرى اسەرلەرى بولىپ جاتاتىنىن ەسكەرىڭىز.
كۇيزەلىس
قورقىنىش، ۋايىم، وكپە- رەنىش پەن كۇيزەلىس جاتىرداعى كىشكەنتاي ءومىر يەسىنە كوپ كۇش سالادى. سوندىقتان جۇكتىلىك كەزىندە ۋايىمعا سالىنباڭىز.
ءاردايىم كوتەرىڭكى كوڭىل كۇيمەن ءجۇرۋ كەرەك. ال تاعدىردىڭ جازۋىمەن ۇلكەن قايعى- قاسىرەتكە تاپ بولساڭىز، مىندەتتى تۇردە دارىگەرىڭىزبەن وسى جايىندا اڭگىمەلەسىپ، كەڭەسىن الىڭىز.
سالاۋاتتى ءومىر سالتىن ۇستانباۋ
اراق- شاراپ، تەمەكى مەن ەسىرتكى، كوفەنى شامادان تىس قولدانۋ، دۇرىس تاماقتانباۋ مۇنىڭ ءبارى تۇسىك تاستاۋدىڭ سەبەپشىسى. سوندىقتان جامان داعدىلاردان اۋلاق بولىڭىز. سالاۋاتتى ءومىر سالتىن ۇستانىڭىز.
بيىكتەن قۇلاۋ، اۋىر كوتەرۋ، جىنىستىق قاتىناس
قۇرساق كوتەرگەن سوڭ ءار ايەل ءوزىنىڭ عانا ەمەس، بولاشاق بالاسىنىڭ دا دەنساۋلىعى مەن ومىرىنە جاۋاپتى. سوندىقتان قۇرساعىنداعى شارانانىڭ ومىرىنە قاۋىپ توندىرەتىن كەز كەلگەن جاعدايدان اۋلاق بولۋى كەرەك.
NUR. KZ